নিউজ ডেস্ক, ৭ অক্টোবৰ : কংগ্ৰেছৰ ৰাষ্ট্ৰীয় সভাপতি নিৰ্বাচনৰ প্ৰাৰ্থী মল্লিকাৰ্জুন খাৰ্গেয়ে অহা 9 অক্টোবৰত জম্মু-কাশ্মীৰ ভ্ৰমণ কৰিব (Mallikarjun Kharge to visit Jammu and Kashmir) । তেওঁৰ ভ্ৰমণকালত ৰাজ্যখনৰ 339 জন প্ৰতিনিধিক সাক্ষাৎ কৰিব আৰু ভোটৰ বাবে আবেদন জনাব । উল্লেখ্য, খাৰ্গেৰ উপৰি শশী থাৰুৰো কংগ্ৰেছ সভাপতি নিৰ্বাচনৰ প্ৰাৰ্থী । মল্লিকাৰ্জুনে দেওবাৰে পুৱা 10.30 বজাত বিশেষ বিমানেৰে শ্ৰীনগৰত উপস্থিত হ'ব আৰু তাৰ পৰা দুপৰীয়া 1 বজাত জম্মুলৈ যাব ।
এই এদিনীয়া ভ্ৰমণকালত শ্ৰীনগৰ আৰু জম্মুত বিভিন্ন কাৰ্যসূচীত তেওঁ অংশগ্ৰহণ কৰিব । উল্লেখ্য, নিৰ্বাচনৰ সময়ত দলৰ বিভিন্ন ৰাজ্যৰ মুখ্য কাৰ্যালয়সমূহত বেলট বাকচৰ জৰিয়তে তেওঁলোকৰ দলৰ পৰৱৰ্তী সভাপতি নিৰ্বাচন কৰিব (Congress National President Election) । একেদৰে শ্ৰীনগৰ আৰু জম্মুতো দলৰ ৰাজ্যিক মুখ্য কাৰ্যালয়ত বেলট বাকচৰ জৰিয়তে ভোটদান কৰি ৰাষ্ট্ৰীয় সভাপতিৰ সিদ্ধান্ত ল'ব । দলটোৰ ৰাষ্ট্ৰীয় সভাপতিৰ নিৰ্বাচন ১৭ অক্টোবৰত অনুষ্ঠিত হ'ব আৰু ১৯ অক্টোবৰত ফলাফল ঘোষণা কৰা হ'ব ।