নিউজ ডেস্ক, 26 অক্টোবৰ : বুধবাৰে মল্লিকাৰ্জুন খাৰ্গেই কংগ্ৰেছৰ ৰাষ্ট্ৰীয় সভাপতি হিচাবে দায়িত্বভাৰ গ্ৰহণ কৰে (Mallikarjun Kharge as Congress president)৷ খাৰ্গেই দায়িত্বভাৰ গ্ৰহণ কৰাৰ পূৰ্বে দলটোৰ ৰাষ্ট্ৰীয় সমিতিখনৰ সকলো কাৰ্যকৰী সদস্য, সাধাৰণ সম্পাদকৰ লগতে সমিতিৰ অন্যান্য বিষয়ববীয়াসকলে পদত্যাগ কৰাত পুৰণা সমিতিখন ভংগ হয় ।
কংগ্ৰেছৰ সকলো বিষয়ববীয়াই পদত্যাগ কৰাৰ পাছতে বুধবাৰেই খাৰ্গেৰ অধ্যক্ষতাত এখন 47 জনীয়া কৰ্ণধাৰ সমিতি গঠন কৰা হয় (Mallikarjun Kharge formed steering committee)৷ নিখিল ভাৰত কংগ্ৰেছৰ নতুন কমিটি গঠন নোহোৱা পৰ্যন্ত উক্ত কৰ্ণধাৰ সমিতিখনেই সভাপতি মল্লিকাৰ্জুন খাৰ্গেক সহায় কৰি যাব ৷
বুধবাৰে গঠন কৰা এই নতুন কৰ্ণধাৰ সমিতিখনত প্ৰাক্তন প্ৰধানমন্ত্ৰী মনমোহন সিং, দলৰ প্ৰাক্তন সভানেত্ৰী ছোনিয়া গান্ধী আৰু ৰাহুল গান্ধীক অন্তৰ্ভুক্ত কৰা হৈছে । ইয়াৰোপৰি বিবেক বনছালৰ বাহিৰে নিখিল ভাৰত কংগ্ৰেছ কমিটিৰ সকলো প্ৰাক্তন সদস্যৰ লগতে স্থায়ী আমন্ত্ৰিত লোকসকলক কমিটীত স্থান দিয়া হৈছে ।
উল্লেখ্য যে, খাৰ্গেৰ পূৰ্ণাংগ সমিতিত অনুমোদন নোহোৱালৈকে তেওঁৰ নেতৃত্বত গঠিত অন্তৱৰ্তীকালীন এই পেনেলেই শীৰ্ষ সিদ্ধান্ত গ্ৰহণকাৰী কংগ্ৰেছ ৱৰ্কিং কমিটিৰ স্থান ল’ব । পূৰ্বৰ সমিতিত স্থায়ীভাৱে আমন্ত্ৰিত হৈ থকা প্ৰাক্তন বিধায়ক বনছাল এতিয়া দলৰ হাৰিয়ানাৰ দায়িত্বত থকাৰ বাবে স্থান দিয়া হোৱা নাই কৰ্ণধাৰ সমিতিখনত । আনহাতে খাৰ্গেৰ বিৰুদ্ধে প্ৰতিদ্বন্দ্বিতা আগবঢ়োৱা শশী থাৰুৰ পেনেলৰ(Shashi Tharoor) সদস্যসকলকো উক্ত সমিতিখনত স্থান দিয়া হোৱা নাই (Shashi Tharoor)।
নতুন পেনেলত অন্তৰ্ভুক্ত নোহোৱা চি ডব্লিউ চিৰ বিশেষ আমন্ত্ৰিত সকল হ’ল অজয় কুমাৰ লাল্লু, চিন্তা মোহন, দীপেন্দৰ সিং হুদা, শচীন ৰাও আদি ৷ ইয়াৰ উপৰিও সেৱা দলৰ মুখ্য সংগঠক লালজী দেশাই, আই ৱাই চিৰ মুৰব্বী শ্ৰীনিবাস বি ভি, এন এছ ইউ আইৰ মুৰব্বী নীৰজ কুন্দন, মহিলা কংগ্ৰেছৰ মুৰব্বী নেতা ডি ছৌজা আৰু INTUC ৰ সভাপতি সঞ্জীৱ ৰেড্ডী । সাংগঠনিক অভাৰহ’লৰ বাবে ঠেলি দিয়া জি ২৩ বিৰোধী গোটৰ চি ডব্লিউ চিৰ সদস্য তথা বিশিষ্ট নেতা আনন্দ শৰ্মাক পৰিচালনা সমিতিত ৰখা হৈছে ।
লগতে পঢ়ক :Law and oreder situation of Tripura: বৰ্তমান ত্ৰিপুৰাত আইন-শৃংখলা পৰিস্থিতি উন্নত: মুখ্যমন্ত্ৰী
