নেশ্যনেল ডেস্ক, ২২ ছেপ্টেম্বৰ :নাৰী সংৰক্ষণ বিধেয়ক গৃহীত হোৱাৰ পাছতে প্ৰধানমন্ত্ৰী নৰেন্দ্ৰ মোডীক বিভিন্নজনে অভিনন্দন জনোৱা দেখা গৈছে । বিধেয়ক গৃহীত হোৱাৰ পাছত প্ৰধানমন্ত্ৰী নৰেন্দ্ৰ মোডীক মঙলবাৰে দিল্লীত বিজেপিৰ মুখ্য কাৰ্যালয়ত উষ্ম আদৰণি জনোৱা হয় । এই বিশেষ ক্ষণত প্ৰধানমন্ত্ৰীগৰাকীয়ে দেশৰ সকলো মহিলাক অভিনন্দন জনায় । তেওঁ উল্লেখ কৰা মতে, তেওঁ ভৱিষ্যতে এক নতুন ইতিহাস সৃষ্টি হোৱা দেখিছে । এয়া তেওঁৰ সৌভাগ্য যে কোটি কোটি মানুহে বিজেপিক সেই ইতিহাস সৃষ্টি কৰাৰ সুযোগ দিছে ।
নাৰী সংৰক্ষণ বিধেয়ক সন্দৰ্ভত প্ৰধানমন্ত্ৰী মোডীয়ে কয় যে, এই নাৰী সংৰক্ষণ বিধেয়কৰ পথত বহুতো বাধা আছে । কিন্তু যেতিয়া উদ্দেশ্য ভাল হয় আৰু প্ৰচেষ্টাত স্বচ্ছতা থাকে সকলো প্ৰতিকূলতা অতিক্ৰম কৰাৰ পাছত ফলাফল দেখিবলৈ পোৱা যায় । এয়া এক অভিলেখ বুলি তেওঁ দাবী কৰে । এই বিধেয়কখনে সংসদত যিধৰণে সমৰ্থন লাভ কৰিছে, তাৰ বাবে তেওঁ সকলো ৰাজনৈতিক দল আৰু সাংসদসকলকো ধন্যবাদ জ্ঞাপন কৰে ।