মহাৰাষ্ট্ৰত নক্সাল বাহিনীৰ বৃহৎ পৰিমাণৰ বিস্ফোৰক সামগ্ৰী উদ্ধাৰ

আৰক্ষী আৰু চি-৬০ কমাণ্ডৰ এক যুটীয়া অভিযানত মহাৰাষ্ট্ৰৰ গণ্ডিয়া জিলাৰ পৰা বৃহৎ পৰিমাণৰ বিস্ফোৰক সামগ্ৰী জব্দ কৰা হয় ৷ নক্সাল বাহিনীয়ে এক গোপন স্থানত লুকুৱাই ৰখা অৱস্থাত বৃহৎ পৰিমাণৰ বিস্ফোৰক সামগ্ৰীখিনি জব্দ কৰাৰ লগতে ইউএপিএ আৰু এক্সপ্ল'চিভ আইনৰ অধীনত গোচৰ ৰুজু কৰে আৰক্ষীয়ে ৷

নেশ্যনেল ডেস্ক, 27 ডিচেম্বৰ : শনিবাৰে মহাৰাষ্ট্ৰৰ গণ্ডিয়া জিলাৰ চেলাকাচা অঞ্চলত আৰক্ষী আৰু চি-৬০ কমাণ্ডৰ এক যুটীয়া অভিযানত নক্সাল বাহিনীয়ে লুকুৱাই ৰখা বৃহৎ পৰিমাণৰ বিস্ফোৰক সামগ্ৰী আৰু ইলেক্ট্ৰনিক ডিট'নেটৰ উদ্ধাৰ হয় ৷ নক্সাল বাহিনীৰ এক গোপন স্থানৰ পৰা বৃহৎ পৰিমাণৰ সামগ্ৰী খিনি জব্দ কৰে অভিযানকাৰী দলটোৱে ৷

মহাৰাষ্ট্ৰত নক্সাল বাহিনীৰ বৃহৎ পৰিমাণৰ বিস্ফোৰক সামগ্ৰী উদ্ধাৰ

এই অভিযানত 20 কিলোগ্ৰাম ওজনৰ এটা ষ্টীলৰ বাকচ, 150 ডাল ৰড আৰু 27 টা ইলেক্ট্ৰনিক ডিট'নেটৰ উদ্ধাৰ কৰা হৈছে বুলি গণ্ডিয়াৰ আৰক্ষী অধীক্ষক বিশ্ব পানচাৰে জনায় ৷ লগতে ইউএপিএ আৰু এক্সপ্ল'চিভ আইনৰ অধীনত এটা গোচৰ ৰুজু কৰা হৈছে বুলিও সদৰী কৰে ।

লগতে পঢ়ক:বায়ুসেনা বিষয়াক আক্ৰমণ কৰা দুৰ্বৃত্তক কৰায়ত্ত