নেশ্যনেল ডেস্ক , 6 অক্টোবৰ :আন্তৰ্জাতিক ইন্ধনৰ মূল্য(international fuel price) বৃদ্ধিৰ সমান্তৰালকৈ বৃদ্ধি পালে ৰন্ধন গেছৰ মূল্য(Cooking gas LPG price) ৷ বুধবাৰে ৰন্ধন গেছৰ প্ৰতিটো চিলিণ্ডাৰত ১৫ টকা বৃদ্ধি পায় ৷ তেল কোম্পানীৰ বিষয়াসকলে জানিবলৈ দিয়া মতে, বুধবাৰৰ পৰা কাৰ্যকৰী হোৱা এই নতুন মূল্য ৰাজসাহাৰ্যযুক্ত আৰু ৰাজসাহাৰ্যবিহীন এলপিজি দুয়োটাৰে ক্ষেত্ৰত প্ৰযোজ্য হ'ব ৷
উল্লেখ্য যে, বৰ্তমান দিল্লীত ৰন্ধন গেছৰ মূল্য প্ৰতি চিলিণ্ডাৰত ৮৯৯.৫০ টকা ৷ একেদৰে পেট্ৰ'লৰ মূল্য প্ৰতি লিটাৰত 30 পইচা আৰু ডিজেলৰ মূল্য প্ৰতি লিটাৰত 35 পইচা বৃদ্ধি কৰা হৈছে ৷ সেই অনুসৰি, দিল্লীত এতিয়া পেট্ৰ'লৰ মূল্য প্ৰতি লিটাৰত ১০২.৯৪ টকা হোৱাৰ পৰিৱৰ্তে ডিজেলৰ মূল্য প্ৰতি লিটাৰত ৯১.৪২ টকা।