Hyderabad cylinder explosion : বিস্ফোৰণত আহত 11 জনকৈ লোক

হায়দৰাবাদৰ নানকৰ্মাগুড়াত চিলিণ্ডাৰ বিস্ফোৰণ (Hyderabad cylinder explosion) ৷ ঘটনাত আহত 11 জনকৈ লোক ৷

নেশ্যনেল ডেস্ক, 23 নৱেম্বৰ :হায়দৰাবাদৰ নানকৰ্মাগুড়াত সংঘটিত হৈছে চিলিণ্ডাৰ বিস্ফোৰণৰ ঘটনা (Hyderabad cylinder explosion) ৷ এই বিস্ফোৰণত 11 গৰাকী লোক আহত হোৱাৰ তথ্য পোহৰলৈ আহিছে ৷ দুজনৰ অৱস্থা সংকটজনক ৷

গচ্ছিবাউলী(Gachchibauli)ৰ CI সুৰেশে জানিবলৈ দিয়া অনুসৰি, দৈনিক মজুৰিৰ শ্ৰমিকসকল গভীৰ টোপনিত থকা সময়তেই এটা ঘৰত চিলিণ্ডাৰ বিস্ফোৰণ ঘটে ৷ বিস্ফোৰণৰ ফলত ঘৰটো সম্পূৰ্ণৰূপে ধ্বংস হৈছে ৷ স্থানীয় লোকৰ পৰা বিস্ফোৰণৰ খবৰ লাভ কৰাৰ পিছতে ঘটনাস্থনীলৈ ৰাওনা হৈছে NDRF আৰু আৰক্ষীৰ দল ৷

গুৰুতৰভাৱে আহত দুগৰাকীক গান্ধী হাস্পতালত ভৰ্তি কৰোৱা হৈছে ৷ আনহাতে, আহত 9 গৰাকী লোকক কোন্দাপুৰৰ আঞ্চলিক চিকিৎসালয়ত ভৰ্তি কৰোৱা হয় ৷ আৰক্ষীয়ে ঘটনা সন্দৰ্ভত গোচৰ ৰুজু কৰি তদন্ত চলাই আছে ৷

লগতে পঢ়ক :Ramayan Express controversy : ৱেইটাৰৰ গেৰুৱা পোছাকৰ বিৰোধিতা সাধু সমাজৰ