নিউজ ডেস্ক, 9 নৱেম্বৰ: প্ৰেম, দুটা আখৰৰ এটা মিঠা শব্দ ৷ প্ৰেম হৈছে এক শক্তি ৷ সাহস, প্ৰেৰণা, আশা আদি জীয়াই থকাৰ অজুত কাৰণ লুকাই থাকে প্ৰেমত ৷ প্ৰেমৰ বাবেই বহুতে পাহাৰ ভাঙি সুগম পথ নিৰ্মাণ কৰিবও পাৰে ৷ কিন্তু প্ৰেমৰ বাবেই আন বহুতে আকৌ নিজৰ জীৱনো শেষ কৰি দিয়াৰ উদাহৰণ আছে ৷ সেয়ে হয়তো প্ৰেম অন্ধ বুলি কোৱা হয় ৷
প্ৰেমত অভিমান কোনো ডাঙৰ কথা নহয় ৷ অভিমানে প্ৰেম শুৱনি কৰে, ইয়াৰ মাদকতা বৃদ্ধি কৰে আৰু প্ৰেম গাঢ় কৰে ৷ কিন্তু প্ৰেমত প্ৰতাৰিত হ’লে হৃদয় ভাঙি থান-বান হয় ৷ সেই বেদনা সহ্য কৰাতো সকলোৰে পক্ষে সম্ভৱ নহয় ৷ সেয়ে বহুতেই প্ৰেমত প্ৰতাৰিত হ’লে নিজকে মৃত্যুৰ মুখলৈও ঠেলি দিয়ে ৷
উত্তৰ প্ৰদেশৰ মহাৰাজগঞ্জ জিলাৰ শৈলেশৰো একেই হ’ল (Lover commits suicide) ৷ উত্তৰ প্ৰদেশৰ পৰা হায়দৰাবাদলৈ কৰ্মৰ সন্ধানত অহা শৈলেশৰ আছিল এগৰাকী প্ৰেমিকা ৷ কিন্তু শৈলেশ হায়দৰাবাদলৈ অহাৰ পাচতেই প্ৰেমিকাৰ বিয়া ঠিক হয় আন এগৰাকী যুৱকৰ সৈতে ৷ ইফালে হায়দৰাবাদৰ পৰা শৈলেশে বাৰম্বাৰ ফোন কৰাৰ পাচতো ফোন ৰিছিভ নকৰা হ’ল প্ৰেয়সীয়ে ৷