Financial Lessons to Investment : বিত্তীয় সফলতাৰ বাবে শক্তিশালী কৰক বিনিয়োগ পৰিকল্পনা

মেচ জিকিবলৈ বেটিং আৰু বলিঙৰ এটা শক্তিশালী লাইন-আপৰ প্ৰয়োজন । একেদৰে সফলতাৰ গন্তব্যস্থানত উপনীত হ'বলৈ এক সুন্দৰ বিত্তীয় পৰিকল্পনাৰ (financial plans) সৈতে সঠিক লক্ষ্য নিৰ্ধাৰণ কৰি বিনিয়োগ পৰিকল্পনাৰ (investment plans) এক শক্তিশালী লাইনআপৰ প্ৰয়োজন ।

নিউজ ডেস্ক, ২৮ অক্টোবৰ : যেতিয়া আমি টিভিত টি-20 ক্ৰিকেট (T20 cricket) চাওঁ, আমি ভাবোঁ যে মেচবোৰ খেলিবলৈ তেনেই সহজ যেন লাগে । কিন্তু প্ৰকৃত ক্ষেত্ৰত ই এক সম্পূৰ্ণ পৃথক বল খেল যাৰ বাবে আত্মবিশ্বাস আৰু নিখুঁততাৰ সৈতে উপস্থিত বুদ্ধিৰ প্ৰয়োজন । মেচ জিকিবলৈ বেটিং আৰু বলিঙৰ এটা শক্তিশালী লাইন-আপৰ প্ৰয়োজন ।

একেদৰে সফলতাৰ গন্তব্যস্থানত উপনীত হ'বলৈ এক সুন্দৰ বিত্তীয় পৰিকল্পনাৰ (financial plans) সৈতে সঠিক লক্ষ্য নিৰ্ধাৰণ কৰি বিনিয়োগ পৰিকল্পনাৰ (investment plans) এক শক্তিশালী লাইনআপৰ প্ৰয়োজন ।

ক্ৰিকেটৰ দৰে আমাক আমাৰ বিনিয়োগ পৰ্টফলিঅ'ৰ পৰা সৰ্বাধিক স্ক'ৰ লাভ কৰিবলৈ ৰণনীতি আৰু পৰিকল্পনাৰ প্ৰয়োজন (strategies and planning of investment portfolio) । যেতিয়া দলৰ 11 জন খেলুৱৈৰ আটাইকেইজনৰে লাইনআপ শক্তিশালী হয়, কেৱল তেতিয়াহে তেওঁলোকে তেওঁলোকৰ জয়ৰ সম্ভাৱনা উন্নত কৰিব পাৰে । এঘাৰজনেই মহান বেটছমেন বা এটা নিৰ্দিষ্ট দলৰ মহান বলাৰ হ'লে ই সহায় নকৰিব । এক সঠিক ভাৰসাম্যৰ প্ৰয়োজন । ঠিক একেদৰে আমাৰ কঠোৰ পৰিশ্ৰমৰ ধন বিনিয়োগ কৰাৰ সময়ত পৰিকল্পনা বাছনি কৰাৰ ক্ষেত্ৰতো একেধৰণৰ বিচিত্ৰতা থাকিব লাগে ।

কেৱল এজন বেটছমেনৰ ওপৰত নিৰ্ভৰ কৰি খেলাটো বুদ্ধিমানৰ কাম নহয় । একেদৰে আমি এটা বিনিয়োগ পৰিকল্পনাৰ ওপৰত নিৰ্ভৰ কৰা উচিত নহয় । ইয়াৰ পৰিৱৰ্তে কোম্পানীবোৰৰ শ্বেয়াৰ (shares), টাৰ্ম বণ্ড (term bonds), ইকুইটি ফাণ্ড (equity funds), জমা, সোণ আদিত বিনিয়োগ কৰিবলৈ বিভিন্ন আঁচনিৰ প্ৰয়োজন । খেলপথাৰত থকাৰ বাবে উইকেট ৰক্ষা কৰাটো এটা গুৰুত্বপূৰ্ণ কৌশল । কিন্তু এটা অত্যধিক প্ৰতিৰক্ষামূলক কৌশল বিপৰীত প্ৰমাণিত হ'ব পাৰে । সেয়েহে জমা আৰু সঞ্চয়ত অত্যধিক প্ৰতিৰক্ষামূলক বিনিয়োগে ফলাফল প্ৰদান নকৰিব । কিয়নো মুদ্ৰাস্ফীতিয়ে আমাৰ লাভ হ্ৰাস কৰিব ।

20 অ'ভাৰৰ ক্ৰিকেটৰ চমু সংস্কৰণত পাৱাৰ প্লে' অ'ভাৰে এক গুৰুত্বপূৰ্ণ ভূমিকা পালন কৰে, য'ত চাৰি আৰু ছয় মাৰিবলৈ সুযোগ অধিক হয় । জীৱনদানৰ সম্ভাৱনাই যিকোনো পৰ্যায়ত খেলখন ঘূৰাই দিব । বিনিয়োগ কৰাৰ সময়ত আমি একে ধৰণৰ সুযোগ পাওঁ । বজাৰ পতনৰ সময়ত ভাল শ্বেয়াৰবোৰ আমাৰ ঢুকি পোৱাৰ ভিতৰলৈ আহিব পাৰে আৰু সেইবোৰ বাদ দিব নালাগে । যেনেদৰে ৰাণবোৰ ধৈৰ্যশীলভাৱে সংগ্ৰহ কৰিব লাগে, একেদৰে বিনিয়োগবোৰো এক প্ৰণালীবদ্ধ উপায়েৰে কৰিব লাগে ।

সাধাৰণতে ২০ অ'ভাৰৰ খেলৰ বাবে ২২০ ৰাণৰ লক্ষ্যও নিৰ্ধাৰণ কৰা হ'ব পাৰে । ইয়াক অতিক্ৰম কৰাটো কঠিন যেন লাগিব পাৰে । যাৰ ফলত বেটছমেনসকলৰ ওপৰত চাপ আহিব পাৰে । ফলত তেওঁলোকে ৰাণ পাবলৈ আক্ৰমণাত্মক খেল বাছনি কৰিবলৈ বাধ্য হ'ব পাৰে । যাৰ বাবে খৰখেদাকৈ তেওঁলোকে উইকেটো বিসৰ্জন দিয়ে । বহুতো বিনিয়োগকাৰীয়ে তেওঁলোকৰ মূল বিত্তীয় পৰিকল্পনাৰ বিষয়ে চিন্তা নকৰাকৈ অধিক লাভ পাবলৈ ব্যৱসায় কৰি একে ধৰণৰ ভুল কৰে । অৱশেষত তেওঁলোকে সকলো হেৰুৱায় । যেতিয়া লক্ষ্য উচ্চ হয় তেতিয়া আমি ইয়াক এক শৃংখলাবদ্ধ আৰু প্ৰণালীবদ্ধ উপায়েৰে অনুসৰণ কৰা উচিত ।

টি-২০ৰ প্ৰাৰম্ভিক অ'ভাৰত সৰ্বাধিক সম্ভৱ ৰাণ সংগ্ৰহ কৰাটো অতি গুৰুত্বপূৰ্ণ । একেদৰে আমি উপাৰ্জন লাভ কৰা আৰম্ভ কৰাৰ পিছত সৰ্বাধিক সম্ভৱ পৰিমাণ বিনিয়োগ কৰিব লাগে । যেনেদৰে এটা বেয়া অ'ভাৰে খেল এখনৰ গতি আৰু অৱস্থা সলনি কৰিব, ঠিক তেনেদৰে এটা বেয়া নীতিয়েই আপোনাৰ সমগ্ৰ বিনিয়োগ পৰ্টফলিঅ'ত ব্যাঘাত জন্মাবলৈ যথেষ্ট । ই আপোনাৰ সামগ্ৰিক লাভৰ ওপৰত বিৰূপ প্ৰভাৱ পেলাব ।

খেলৰ সময়ত বহুতো বিভ্ৰান্তি ঘটে । কিন্তু এজন ক্ৰিকেটাৰে শক্তিশালীভাৱে মনোযোগ ৰাখিব লাগে । এজন বিনিয়োগকাৰীয়েও বাধা অতিক্ৰম কৰিবলৈ আৰু তেওঁৰ বিত্তীয় লক্ষ্যত উপনীত হ'বলৈ একে ধৰণৰ মনোযোগ প্ৰদৰ্শন কৰা উচিত । যেতিয়া লক্ষ্যৰ ওচৰ চপা যায় তেতিয়া সাৱধানে খেলিব লাগে ।

এবাৰ আমি প্ৰত্যাশিত ৰিটাৰ্ণ পোৱাৰ পিছত আমি আমাৰ পুঁজি বিপজ্জনক পৰিকল্পনাৰ পৰা সুৰক্ষিত পৰিকল্পনালৈ স্থানান্তৰ কৰি সুৰক্ষিতভাৱে খেলিব লাগে । বিত্তীয় বিশেষজ্ঞসকল ক্ৰিকেট দলৰ প্ৰশিক্ষকৰ দৰে আৰু তেওঁলোকে সফলতা অনাত তেওঁলোকৰ নিজৰ ভূমিকা পালন কৰে । যদিও 11 জন সদস্যই খেলপথাৰত খেলে, দলটোত তেনেদৰে আন চাৰিজন অতিৰিক্তও থাকিব । তেনেদৰে আমাৰ ছয় মাহৰ পৰা এবছৰৰ বাবে আমাৰ ব্যয় পূৰণ কৰাৰ বাবে পৰ্যাপ্ত আকস্মিক পুঁজি থাকিব লাগে ।

লগতে পঢ়ক :Loan Burden: সহজলভ্য ঋণে অজানিতে মাতিব পাৰে ডাঙৰ বিপদ