নেশ্যনেল ডেস্ক,১৭ জুলাই :ভাৰতৰ মুখ্য ন্যায়াধীশ এন ভি ৰামনাৰ মতে সাম্প্ৰতিক সময়ত আইনসমূহ নিৰীক্ষণ বা বিতৰ্ক অবিহনে গৃহীত কৰা হৈছে ৷ যাৰ ফলত দেশত গণতন্ত্ৰৰ গাঁথনিৰ প্ৰতি ভাবুকি আহিছে । সদনৰ সকলো পক্ষৰ এক পুংখানুপুংখ বিতৰ্কৰ অভাৱ সম্পৰ্কেও এগৰাকী বিচাৰক হিচাপে কেতিয়াবা তেওঁ আচৰিত হয় বুলি উল্লেখ কৰে । ৰাজস্থানৰ বিধান সভাত আয়োজিত "সংসদীয় গণতন্ত্ৰৰ ৭৫ বছৰ" শীৰ্ষক কাৰ্যসূচীত অংশগ্ৰহণ কৰি মুখ্য ন্যায়াধীশগৰাকীয়ে এই মন্তব্য কৰে (CJI addressing 75 Years of Parliamentary Democracy in Rajasthan)।
ভাষণ প্ৰসংগত তেওঁ কয় যে ৰাজনৈতিক বিৰোধিতা কেতিয়াও শত্ৰুতালৈ ৰূপান্তৰিত হ'ব নালাগে । শক্তিশালী আৰু সক্ৰিয় বিৰোধীয়ে শাসন ব্যৱস্থা উন্নত কৰাত সহায় কৰে আৰু চৰকাৰৰ কাম-কাজ সংশোধন কৰে বুলিও তেওঁ উল্লেখ কৰে । তেওঁৰ মতে গণতন্ত্ৰক আগুৱাই নিয়াৰ বাবে অৰ্থপূৰ্ণ বিতৰ্কত লিপ্ত হোৱাৰ পৰিৱৰ্তে ৰাজনীতিহে তীব্ৰ হৈ পৰিছে । বৰ্তমান বিৰোধীৰ স্থিতিক লৈও উদ্বেগ প্ৰকাশ কৰে মুখ্য ন্যায়াধীশগৰাকীয়ে ।
ৰাজস্থানৰ ৰাজনৈতিক পৰিস্থিতিক কথা উল্লেখ কৰি মুখ্য ন্যায়াধীশগৰাকীয়ে কয় যে, বিধানসভাৰ সদস্যসকল হৈছে ৰাজস্থানৰ মহান জনসাধাৰণে বাছনি কৰা আৰু তেওঁলোকৰ ওপৰত ভোটাৰসকলৰ আশা আৰু বিশ্বাস আছে । গণতন্ত্ৰ কেৱল এখন ৰাজ্যৰ বাবে বা ইয়াৰ মুৰব্বী বাছনি কৰাৰ বিষয়ে নহয় । গণতন্ত্ৰই আমাৰ পৰিচয় নিৰ্ধাৰণ কৰে বুলি তেওঁ উল্লেখ কৰে । গণতন্ত্ৰ হৈছে আমাৰ স্বাধীনতা, অধিকাৰ আৰু কৰ্তব্য নিৰ্ণয় কৰা এটা বিষয় ।
গণতন্ত্ৰ হৈছে আমাৰ ভাগ্য । গণতন্ত্ৰ সম্পৰ্কে অধিক বিশ্লেষণ দাঙি ধৰি কয় যে ড৹ আম্বেদকাৰে এবাৰ বৰ্ণনা কৰাৰ দৰে গণতন্ত্ৰৰ আত্মা হৈছে এজন মানুহৰ মতবাদ, এটা মূল্য । ভাৰতৰ বাবে গণতন্ত্ৰ এটা বিকল্প নহয়, ই এটা অভ্যাস আৰু প্ৰয়োজনীয়তা বুলিও তেওঁ মন্তব্য কৰে । ৰামনাৰ মতে ভাৰত "সংসদীয় গণতন্ত্ৰ", "সংসদীয় চৰকাৰ" নহয়, কিয়নো গণতন্ত্ৰৰ মূল ধাৰণা হৈছে প্ৰতিনিধিত্ব (Chief Justice on Democracy)।
মুখ্য ন্যায়াধীশ ৰামনাৰ মতে ৭৫ বছৰত দেশখনে যথেষ্ট সফলতা অৰ্জন কৰিছে, কিন্তু দুখজনক কথাটো হ'ল বাস্তৱ ক্ষেত্ৰত আমাৰ বহুলোকে এতিয়াও উন্নত জীৱন যাপন কৰিবলৈ অসমৰ্থ । তেওঁৰ মতে ভাৰতত ৰাজনৈতিক নেতাসকলে দ্বৈত ভূমিকা পালন কৰিবলৈ বাধ্য । এটা ৰাজনৈতিক দলৰ সদস্য হিচাপে; আনটো সেই নেতাগৰাকীয়ে প্ৰতিনিধিত্ব কৰা লোকসকলৰ এক ব্যক্তিগত কণ্ঠস্বৰ হিচাপে । তেওঁৰ ভূমিকা কেৱল আইন আৰু নীতি প্ৰস্তুত কৰাত সীমাৱদ্ধ নাথাকে । কাৰণ আইন প্ৰস্তুত হোৱাৰ পাছতো তাৰ লাভালাভবোৰ বছৰ বছৰ ধৰি লক্ষ্য জনসংখ্যাৰ ওচৰলৈ নাযায় ।
মুখ্য ন্যায়াধীশগৰাকীয়ে পুনৰ চৰকাৰক উদ্দেশ্যি কয় যে যদি ৰাজ্যৰ প্ৰতিটো শাখাই দক্ষতা আৰু দায়িত্বৰে কাম কৰে, তেন্তে আনৰ ওপৰত বোজা যথেষ্ট হ্ৰাস পাব । তেওঁ আইন প্ৰণেতাসকলক সম্বোধন কৰি কয় যে সংসদীয় গণতন্ত্ৰ শক্তিশালী কৰাৰ দাবীয়ে বিৰোধীসকলকো শক্তিশালী কৰে । যিহেতু আইন প্ৰণয়ন এক জটিল প্ৰক্ৰিয়া, সেয়েহে আইনসভাৰ সদস্যসকলে আইনী পেছাদাৰীসকলৰ পৰা গুণগত সহায় ল'ব লাগিব যাতে তেওঁলোকে বিতৰ্কত অৰ্থপূৰ্ণভাৱে অৰিহণা যোগাব পাৰে আৰু অধ্যক্ষই প্ৰতিজন বিধায়কক যোগ্য আইনৰ সহায় প্ৰদান কৰাৰ বিষয়ে বিবেচনা কৰিব পাৰে বুলি তেওঁ উল্লেখ কৰে ।
লগতে পঢ়ক :Minister Kiren Rijiju in MNLU: দেশৰ আদালতত ৫ কোটিৰো অধিক গোচৰ বিচৰাধীন
