নিউজ ডেস্ক, 31 মে’: জম্মু-কাশ্মীৰৰ কুলগাম জিলাৰ গোলাপোৰা অঞ্চলৰ এখন হাইস্কুলত এগৰাকী শিক্ষয়িত্ৰীক গুলীয়াই হত্যা (Lady Teacher Shot Dead By Terrorists) ৷ মঙলবাৰে পুৱা কোনো অচিনাক্ত সন্ত্ৰাসবাদীয়ে গুলীয়াই হত্যা কৰে শিক্ষয়িত্ৰীগৰাকীক ৷ গুলীবিদ্ধ শিক্ষয়িত্ৰীগৰাকীক ওচৰৰে এখন চিকিৎসালয়ত ভৰ্তি কৰোৱা হয় যদিও চিকিৎসাধীন অৱস্থাতে তেওঁৰ মৃত্যু ঘটে ৷
শিক্ষয়িত্ৰীগৰাকী জম্মুৰ ছাম্বা জিলাৰ ৰজনী বালা বুলি জানিব পৰা গৈছে ৷ মহিলাগৰাকীৰ মৃত্যুৰ সৈতে মে’ মাহত দুগৰাকী অ-মুছলিম চৰকাৰী চাকৰিয়ালক হত্যা কৰা হ’ল কাশ্মীৰ উপত্যকাত ৷ সাতগৰাকী লোকক হত্যাৰ লক্ষ্য কৰা হৈছিল চলিত মাহত (Jammu and Kashmir crime news)৷
এগৰাকী আৰক্ষী বিষয়াই জানিবলৈ দিয়া মতে, সমগ্ৰ অঞ্চলটো ঘেৰাও কৰি বৰ্তমান হত্যাকাৰীৰ সন্ধানত অভিযান চলাই থকা হৈছে ৷ অতিশীঘ্ৰেই এইসকলক চিনাক্ত কৰি উপযুক্ত শাস্তি প্ৰদান কৰা হ’ব বুলি তেওঁ জানিবলৈ দিয়ে (Kulgam teacher killing news) ৷