শ্বাহী ঈদগাহ মছজিদত জৰীপৰ ক্ষেত্ৰত উচ্চতম ন্যায়ালয়ৰ স্থগিতাদেশ

Krishna Janmabhoomi case: মথুৰাৰ কৃষ্ণ জন্মভূমি মন্দিৰৰ সৈতে সংলগ্ন শ্বাহী ঈদগাহ মছজিদত আদালতৰ নিৰীক্ষণত জৰীপ চলোৱাৰ নিৰ্দেশ মঙলবাৰে উচ্চতম ন্যায়ালয়ে স্থগিত ৰাখি হিন্দু পক্ষৰ আবেদন নাকচ কৰে ।

নিউজ ডেস্ক, 16 জানুৱাৰী: মঙলবাৰে উচ্চতম ন্যায়ালয়ে কৃষ্ণ জন্মভূমি গোচৰত শ্বাহী ঈদগাহ মছজিদ পৰিদৰ্শন কৰিবলৈ এজন অধিবক্তা আয়ুক্ত নিযুক্তি দিয়াৰ বাবে এলাহাবাদ উচ্চ ন্যায়ালয়ৰ প্ৰদান কৰা নিৰ্দেশ কাৰ্যকৰী কৰাত স্থগিতাদেশ জাৰি কৰে ।

ন্যায়াধীশ সঞ্জীৱ খান্না আৰু দিপাংকৰ দত্তৰে গঠিত বিচাৰপীঠে বিষয়টো বিবেচনাৰ বাবে গ্ৰহণ কৰে । ন্যায়াধীশ খান্নাই শুনানিৰ সময়ত পৰ্যবেক্ষণ কৰিছিল যে তেওঁৰ সংশয় আছে । “আবেদন অতি অস্পষ্ট, ই নিৰ্দিষ্ট হ’ব লাগিব ৷ সেইটো নিৰ্ধাৰণ কৰিবলৈ আদালতৰ ওপৰত এৰি দিব নোৱাৰি । আপুনি কি বিচাৰে সেই সম্পৰ্কে আপোনাৰ আবেদনত অম্নিবাছ (আবেদন) কৰিব নোৱাৰে ৷’’ হিন্দু পক্ষক প্ৰতিনিধিত্ব কৰি জ্যেষ্ঠ অধিবক্তা শ্যাম দিভানক এইদৰে কয় ন্যায়াধীশ খান্নাই ।

শীৰ্ষ আদালতে ২০২৪ চনৰ ২৩ জানুৱাৰীত ঘূৰাই দিব পৰা জাননী জাৰি কৰি লগতে কয় যে আছমা লতিফৰ ৰায়দানৰ প্ৰশ্নটোকে ধৰি কিছুমান আইনী বিষয় বিবেচনাৰ বাবে উত্থাপন হৈছে । উচ্চতম ন্যায়ালয়ে কয় যে উচ্চ ন্যায়ালয় আগুৱাই যাব পাৰে, কিন্তু আয়োগক আজিলৈকে কাৰ্যকৰী কৰা নহ’ব ।

মুছলমান পক্ষক প্ৰতিনিধিত্ব কৰা এজন অধিবক্তাই উচ্চতম ন্যায়ালয়ৰ ৰায়দানৰ কথা উল্লেখ কৰি কয় যে য’ত দেৱানী গোচৰৰ ৰক্ষণাবেক্ষণযোগ্যতাক লৈ প্ৰশ্ন উত্থাপন কৰা হয় আৰু সেই ভিত্তিত অন্তৱৰ্তীকালীন সকাহ প্ৰদানৰ বিৰোধিতা কৰা হয় । অধিবক্তাগৰাকীয়ে লগতে কয় যে তেতিয়া বিচাৰ আদালতে অন্তৱৰ্তীকালীন সকাহ প্ৰদানৰ সিদ্ধান্ত লোৱাৰ পূৰ্বে অন্ততঃ গোচৰৰ ৰক্ষণাবেক্ষণযোগ্যতাৰ সন্দৰ্ভত প্ৰাইমা ফেচি সন্তুষ্টি ল’ব লাগিব ।

ন্যায়াধীশ খান্নাই কয় যে এই ক্ষেত্ৰত আইনী সমস্যাৰ সৃষ্টি হয় আৰু স্থানীয় আয়ুক্তৰ বাবে আবেদন অতি অস্পষ্ট । “এইদৰে আবেদন কৰিব পাৰিনে ?তৃতীয় দিশটো হ’ল বদলি, আমি আয়োগ কাৰ্যকৰী হোৱাৰ পৰিসৰলৈকে বিবাদিত আদেশৰ পৰিচালনা স্থগিত ৰাখিছো ৷” বিচাৰপীঠে কয় ।

লগতে পঢ়ক:দেশত প্ৰথমবাৰৰ বাবে বিশ্ববিদ্যালয়ৰ পাঠ্যক্ৰমত ৰাম মন্দিৰৰ ইতিহাস