Murder for chapatti: এখন ৰুটিৰ বাবেই দিল্লীত এজনক হত্যা, গ্ৰেপ্তাৰ হত্যাকাৰী

এখন ৰুটিৰ বাবেই প্ৰাণ গ'ল মধ্য প্ৰদেশৰ মুন্নাৰ ৷ ফুটপাথত বহি মুন্নাই খাদ্য গ্ৰহণ কৰি থকাৰ সময়তে মদ্যপান কৰা এজন লোকে তেওঁৰ কাষ চাপি ৰুটি বিচাৰিছিল । মুন্নাই তেওঁক এখন ৰুটি দিছিল যদিও পুনৰ আৰু এখন ৰুটি বিচৰাত মুন্নাই দিবলৈ অমান্তি হয় আৰু তাতেই ক্ষুব্ধ হৈ লোকজনে মুন্নাৰ পেটত ছুৰীকাঘাত কৰে (Killing rickshaw puller for not sharing chapatti)৷

নেশ্যনেল ডেস্ক,29 জুলাই: ৰুটি ভাগ-বতৰা কৰিবলৈ অস্বীকাৰ কৰাৰ বাবেই প্ৰাণ হেৰুৱাবলগীয়া হ'ল মধ্য প্ৰদেশৰ এগৰাকী ব্যক্তিয়ে (Killing rickshaw puller for not sharing chapatti)৷ মুন্না নামৰ মৃত ব্যক্তিজনে জীৱিকাৰ খাতিৰত মধ্য প্ৰদেশৰ পৰা আহি দিল্লীত ৰিক্সা চলাই কোনোমতে পেট প্ৰৱৰ্তাই আছিল ৷

এই ঘটনাক লৈ ভাৰতীয় দণ্ডবিধিৰ ৩০২ (হত্যা)(IPC Section 302) ধাৰাৰ অধীনত কেৰ’লবাগ আৰক্ষীয়ে নিজাববীয়াকৈ গোচৰ পঞ্জীয়ন কৰি আৰম্ভ কৰিছে তদন্ত । ২০০ জন শ্ৰমিক আৰু ভ্ৰমণকাৰীৰ স্কেনিং সম্পন্ন কৰাৰ পিছত এই হত্যাকাণ্ডৰ ঘটনাটোৰ সৈতে ফিৰোজ খান (২৬) নামৰ এজন ব্যক্তি জড়িত থকা বুলি আৰক্ষী সূত্ৰই জানিবলৈ দিয়ে ৷ পৰৱৰ্তী সময়ত এখন পাৰ্কত শুই থকা অৱস্থাত আৰক্ষীয়ে ফিৰোজক গ্ৰেপ্তাৰ কৰে ৷ ইতিমধ্যে অভিযুক্তগৰাকীয়ে আৰক্ষীৰ আগত নিজৰ অপৰাধ স্বীকাৰ কৰে ৷ হত্যাকাণ্ডটোত ব্যৱহৃত চুৰিখনো ইতিমধ্যে আৰক্ষীয়ে জব্দ কৰিছে ৷

আৰক্ষী সূত্ৰই প্ৰকাশ কৰা অনুসৰি, মধ্য দিল্লীৰ কেৰ’ল বাগ এলেকাত মংগলবাৰে সংঘটিত হৈছিল এই লোমহৰ্ষক হত্যাকাণ্ডটো ৷ এগৰাকী প্ৰত্যক্ষদৰ্শীয়ে জানিবলৈ দিয়া অনুসৰি, মংগলবাৰে নিশা প্ৰায় ১০ মান বজাত মুন্নাই কেৰ’লবাগৰ আৰ্য সমাজ পথৰ এটা ফুটপাথত বহি আছিল ৷ ফুটপাথত বহি মুন্নাই খাদ্য গ্ৰহণ কৰি থকাৰ সময়তে সুৰাসক্ত এজন লোকে তেওঁৰ কাষ চাপি ৰুটি বিচাৰিছিল । মুন্নাই তেওঁক এখন ৰুটি দিছিল যদিও পুনৰ আৰু এখন ৰুটি বিচৰাত মুন্নাই দিবলৈ অমান্তি হয় আৰু তাতেই ক্ষুব্ধ হৈ ফিৰোজ খানে মুন্নাৰ পেটত ছুৰীৰে আঘাত কৰে ৷ পৰৱৰ্তী সময়ত প্ৰত্যক্ষদৰ্শীয়ে মুন্নাক চিকিৎসালয়লৈ লৈ যায় যদিও চিকিৎসকে মৃত ঘোষণা কৰে মুন্নাক ৷

লগতে পঢ়ক:Father tries to crush daughter: হিন্দু যুৱকৰ লগত বিয়া হোৱাৰ বাবেই নিজ কন্যাক দেউতাকৰ হত্যাৰ চেষ্টা