নেচনেল ডেস্ক, ১৮ নৱেম্বৰ: কাশ্মীৰৰ স্বতন্ত্ৰ মাল্টিমিডিয়া সাংবাদিক আহমেৰ খানক লণ্ডনৰ ৰোৰী পেক ট্ৰাষ্টে 'মাৰ্টিন এডলাৰ বঁটা' আগবঢ়াইছে । সাংবাদিক আহমেৰ খানে দক্ষিণ এছিয়াত প্ৰব্ৰজন,মানৱ অধিকাৰ, ধৰ্ম,সামাজিক আৰু ৰাজনৈতিক আৰু মানৱীয় সংকটৰ ওপৰত কৰা কামৰ বাবে এই বঁটা লাভ কৰিছে ।
আহমাৰৰ কামৰ প্ৰশংসাত পঞ্চমুখ হৈ পৰে জুৰীয়ে । চিক্ৰেট কম্পাছৰ টিভি আৰু চলচ্চিত্ৰ প্ৰকল্পৰ সঞ্চালক চাৰি ফিটনে কয়," আমি আহমেৰ খানৰ বিষয়বস্তুৰ ক্ষেত্ৰত গুৰুত্ব প্ৰদান কৰিছিলো । তেওঁ সহসী আৰু সহানুভূতিৰে কাহিনী বৰ্ণনা কৰাৰ দক্ষত সন্দৰ্ভতো পৰ্যবেক্ষণ কৰা হৈছে । তেওঁ কণ্ঠহীন লোকসকলৰ বিষয়ে সুন্দৰভাৱে বৰ্ণনা কৰিছে ।"
মাৰ্টিন এডলাৰ পুৰস্কাৰ জুৰীয়ে খানৰ কামক সৰ্বশ্ৰেষ্ঠ নিৰ্ভীক প্ৰতিবেদন হিচাপে আখ্য়া দিছে । আহমেৰ খানৰ সাংবাদিকতাই ভাৰতৰ কিছুমান কঠিন আৰু আটাইতকৈ স্পৰ্শকাতৰ বিষয়ৰ ওপৰত আলোকপাত কৰিছে । আনহাতে, তেওঁৰ লিখনিয়ে প্ৰভাৱ আৰু সংবেদনশীলতা প্ৰদৰ্শন কৰা বুলিও চিক্ৰেট কম্পাছৰ টিভি আৰু চলচ্চিত্ৰ প্ৰকল্পৰ সঞ্চালক চাৰি ফিটনে মন্তব্য় কৰিছে । তেওঁ আটাইতকৈ স্পৰ্শকাতৰ ঠাইবোৰৰ এটাৰ পিচত আন এটাকৈ কাহিনী বৰ্ণনা কৰিছে । এয়া তেওঁৰ সৰ্বশ্ৰেষ্ঠভাৱে নিৰ্ভীক প্ৰতিবেদন বুলি জুৰীয়ে মন্তব্য় কৰিছে ।