নেশ্যনেল ডেস্ক,১৩ মে':বিজেপি প্ৰাৰ্থী তথা প্ৰাক্তন মন্ত্ৰী ৰামচন্দ্ৰ গৌড়া পুত্ৰ স্বপথাগিৰি গৌড়াৰ বিৰুদ্ধে কেপিচিচিৰ প্ৰাক্তন সভাপতি দিনেশ গুণ্ডুৰাৱৰ জয় (KPCC Ex President Dinesh Gundurao won)। গান্ধীনগৰত স্বপথাগিৰি গৌড়াৰ বিৰুদ্ধে ১০৫ টা ভোটত জয়ী হয় কংগ্ৰেছ নেতাগৰাকী । প্ৰাক্তন মুখ্যমন্ত্ৰী বি এছ য়েদিয়ুৰাপ্পাৰ পুত্ৰ তথা বিজেপিৰ ৰাজ্যিক উপ-সভাপতি বি ৱাই বিজয়েন্দ্ৰই নিৰ্দলীয় প্ৰাৰ্থী নাগৰাজৰ বিৰুদ্ধে শিকাৰীপুৰা সমষ্টিত জয়লাভ কৰে ।
কংগ্ৰেছ প্ৰাৰ্থী মধু বংগৰাপ্পাই তেওঁৰ ভাতৃ তথা বিজেপি প্ৰাৰ্থী কুমাৰা বাঙ্গাৰাপ্পাৰ বিৰুদ্ধে সোৰাবাত জয়ী হয় । মধু বংগৰাপ্পাই অলপতে জেডিএছ এৰি কংগ্ৰেছত যোগদান কৰিছিল । প্ৰাক্তন মুখ্যমন্ত্ৰী আৰু জেডিএছ নেতা এইচ ডি কুমাৰস্বামীয়ে চান্নাপট্টানা সমষ্টিত বিজেপি প্ৰাৰ্থী চি পি যোগেশ্বৰৰ বিৰুদ্ধে জয়ী হয় (H D Kumaraswamy won in Channapattana Constituency)।
হালিয়ালা সমষ্টিত বিজেপি প্ৰাৰ্থী সুনীল হেগড়েৰ বিৰুদ্ধে কংগ্ৰেছৰ জ্যেষ্ঠ নেতা আৰ ভি দেশপাণ্ডে জয়ী হয় । আৰ ভি দেশপাণ্ডেয়ে নৱম বাৰৰ বাবে বিজয়ী হৈ অভিলেখ সৃষ্টি কৰিছে । কংগ্ৰেছ প্ৰাৰ্থী প্ৰাক্তন গৃহমন্ত্ৰী এম বি পাটিলে বাবলেশ্বৰত বিজেপি প্ৰাৰ্থী বিজুগোৱাড়া পাটিলৰ বিৰুদ্ধে জয়ী হয় (Karnataka Election results)।
মন্ত্ৰী শশীকলা জোলে নিপ্পানি সমষ্টিত কংগ্ৰেছ প্ৰাৰ্থীৰ বিৰুদ্ধে জয়ী হয় । কংগ্ৰেছ প্ৰাৰ্থী আৰু প্ৰাক্তন মন্ত্ৰী কে জে জৰ্জে সৰ্বজ্ঞনগৰত বিজেপি প্ৰাৰ্থী পদ্মনাভ ৰেড্ডীৰ বিৰুদ্ধে প্ৰায় ৫৫,০০০ ভোটত জয়ী হয় । প্ৰাক্তন মন্ত্ৰী গালি জনাৰ্দন ৰেড্ডীয়ে গংগাৱতী সমষ্টিত কংগ্ৰেছ প্ৰাৰ্থী ইকবাল আনছাৰীৰ বিৰুদ্ধে জয়ী হয় । জনাৰ্দন ৰেড্ডী যিয়ে শেহতীয়াকৈ বিজেপি এৰি নতুন দল কেআৰপিপি গঠন কৰিছিল ।