নিউজ ডেস্ক,15মাৰ্চ:ৰাজ্যত এতিয়া আৰম্ভ হৈছে ভোটাৰৰ মন জয় কৰাৰ প্ৰতিযোগিতা ৷ ইতিমধ্যে ঘোষণা কৰা হৈছে বিজেপিৰ প্ৰথম, দ্বিতীয় আৰু তৃতীয় পৰ্যায়ৰ প্ৰাৰ্থীৰ তালিকা ৷ এই তালিকা ঘোষণা হোৱাৰ পাচতে ভোটাৰক আকৃষ্ট কৰাৰ বাবে ৰাজ্যলৈ আগমন ঘটিছে দলটোৰ বহু হাই প্ৰফাইল নেতাৰ ৷
শনিবাৰে বিজেপি নেত্ৰী তথা কেন্দ্ৰীয় মন্ত্ৰী স্মৃতি ইৰাণীৰ বিপৰীতে দেওবাৰে অসমত আহি উপস্থিত হয় কেন্দ্ৰীয় গৃহমন্ত্ৰী অমিত শ্বাহ আৰু প্ৰতিৰক্ষা মন্ত্ৰী ৰাজনাথ সিং ৷ আজি পুনৰ এদিনীয়া ভ্ৰমণসূচীৰে অসমত আহি উপস্থিত হ'বহি বিজেপিৰ ৰাষ্ট্ৰীয় সভাপতি জে পি নাড্ডা ৷ দিনৰ ১২.৩০ বজাত লখিমপুৰৰ লীলাবাৰী বিমানবন্দৰত উপস্থিত হ’ব নাড্ডা ৷