নিউজ ডেস্ক, 28 নৱেম্বৰ : ঝাৰখণ্ডৰ চুবুৰীয়া ৰাজ্য ছত্তীশগড়ৰ ভানুপ্ৰতাপপুৰ উপ-নিৰ্বাচনত বিজেপি প্ৰাৰ্থী ব্ৰহ্মানন্দ নেতামক গ্ৰেপ্তাৰ কৰিবলৈ ঝাৰখণ্ড আৰক্ষী গৈ ছত্তীশগড়ৰ কাঙ্কৰত উপস্থিত হৈছে (Bramhanand Netam troubles increased) । ঝাৰখণ্ড আৰক্ষীৰ সৈতে কোটৱালী আৰক্ষীও আছে । ব্ৰহ্মানন্দ নেতামৰ বিৰুদ্ধে এগৰাকী নাবালিকাক বলাৎকাৰ কৰাৰ অভিযোগ উত্থাপিত হৈছে (Bramhanand Netam accused of raping minor) ।
ঝাৰখণ্ড আৰক্ষীয়ে (jharkhand police) কাঙ্কৰৰ মাঞ্জাপাৰা ৱাৰ্ডত নৰেশ চোনিৰ ঘৰত তালাচী চলায় । অৱশ্যে নৰেশ চোনীক তেওঁৰ ঘৰত পোৱা নগ'ল । ঝাৰখণ্ড আৰক্ষীৰ চালানত বিজেপি প্ৰাৰ্থী ব্ৰহ্মানন্দ নেতাম, দীপাংকৰ সিনহা আৰু নৰেশ চোনিৰ নাম উল্লেখ কৰা হৈছে । ব্ৰহ্মানন্দা নেতামক গ্ৰেপ্তাৰৰ উদ্দেশ্যেই আৰক্ষী গৈ তাত উপস্থিত হৈছেগৈ । অৱশ্যে নেতামৰ সন্ধান এতিয়ালৈকে পোৱা হোৱা নাই (Bhanupratappur By Election) ।
উল্লেখ্য, কংগ্ৰেছে ভানুপ্ৰতাপপুৰৰ বিজেপি প্ৰাৰ্থী ব্ৰহ্মানন্দ নেতামৰ বিৰুদ্ধে গুৰুতৰ অভিযোগ উত্থাপন কৰিছে । কংগ্ৰেছে ব্ৰহ্মানন্দ নেতামৰ বিৰুদ্ধে এগৰাকী নাবালিকাক ধৰ্ষণ কৰাৰ অভিযোগ উত্থাপন কৰিছে (BJP candidate Bramhanand Netam in Bhanupratappur by election) । তাৰেই পৰিপ্ৰেক্ষিতত তেওঁৰ মনোনয়ন বাতিল কৰিবলৈও আহ্বান জনাইছে ।
কংগ্ৰেছে অভিযোগ কৰিছে যে বিজেপি প্ৰাৰ্থী ব্ৰহ্মানন্দ নেতাম ঝাৰখণ্ডত পকচো আইনৰ (POCSO Act) অধীনত পঞ্জীয়ন কৰা অপৰাধৰ অপৰাধী । উল্লেখ্য, ভানুপ্ৰতাপপুৰ উপ-নিৰ্বাচনৰ বাবে বিজেপিৰ প্ৰাৰ্থী হিচাপে ঘোষণা কৰা ব্ৰহ্মানন্দ নেতাম ঝাৰখণ্ডৰ জামছেদপুৰ জিলাত এগৰাকী ১৫ বছৰীয়া কিশোৰীক বলাৎকাৰ আৰু পতিতাবৃত্তিৰ অন্যতম অভিযুক্ত । কংগ্ৰেছে অভিযোগ উত্থাপন কৰিছে এইকেইটা কথাৰ ভিত্তিত।