জইছ-ই-মহম্মদৰ সন্ত্ৰাসবাদীক গ্ৰেপ্তাৰ

জম্মু কাশ্মীৰত জইছ-ই-মহম্মদৰ সন্ত্ৰাসবাদী গ্ৰেপ্তাৰ ৷ বুধবাৰে জম্মু আৰু কাশ্মীৰৰ বোদগামত চলা নিয়মীয়া তালাচিৰ সময়ত সন্ত্ৰাসবাদী সংগঠন জইছ-ই-মহম্মদৰ সন্ত্ৰাসবাদী তাৰিক আহমেদ ভটক গ্ৰেপ্তাৰ কৰে ৷ সন্ত্ৰাসবাদীৰ পৰা পিষ্টলৰ লগতে অপৰাধমূলক সামগ্ৰী উদ্ধাৰ কৰা হয় ৷

নেচনেল ডেস্ক, 10 ডিচেম্বৰ: বুধবাৰে জম্মু আৰু কাশ্মীৰ আৰক্ষীয়ে নিয়মীয়া তালাচিৰ সময়ত জইছ-ই-মহম্মদৰ এগৰাকী সন্ত্ৰাসবাদীক গ্ৰেপ্তাৰ কৰে ৷ এটা পিষ্টলৰ লগতে বহুতো আপত্তিজনক সামগ্ৰী সহ আৰক্ষীয়ে বুডগামৰ পৰা সন্ত্ৰাসবাদী সংগঠন জইছ-ই-মহম্মদৰ সন্ত্ৰাসবাদী তাৰিক আহমেদ ভট ক গ্ৰেপ্তাৰ কৰে ৷

নৱেম্বৰ 30 তাৰিখে জইছ-ই-মহম্মদৰ এগৰাকী সহযোগীৰ পৰা হস্তনিৰ্মিত গ্ৰেণেড আৰু নগদ 3.5 লাখ টকা জব্দ কৰাৰ লগতে জম্মু আৰু কাশ্মীৰ আৰক্ষীয়ে কোপৱাৰাৰ পৰা লোকজনক গ্ৰেপ্তাৰ কৰিছিল ৷

বিগত মাহত এক এনকাউন্টাৰত জম্মু আৰু কাশ্মীৰৰ নাগৰটাত চাৰি গৰাকী জইছ-ই-মহম্মদৰ সন্ত্ৰাসবাদী নিহত হৈছিল ৷ এই সন্ত্ৰাসবাদী কেইগৰাকীৰ পৰা 11 টা এ কে - 47 ৰাইফল, তিনিটা পিষ্টল, 29 টা গ্ৰেণেড আৰু বহুতো আপত্তিজনক সামগ্ৰী উদ্ধাৰ হৈছিল ৷

লগতে পঢ়ক:উত্তৰ কাশ্মীৰৰ পাট্টানত গ্ৰেনেড বিস্ফোৰণ : আহত 7