নেশ্যনেল ডেস্ক, 18 নৱেম্বৰ :ভাৰতৰবৈদেশিক মন্ত্ৰী এছ. জয়শংকৰ আৰু কানাডাৰ বৈদেশিক মন্ত্ৰী ফ্ৰাংকইছ ফিলিপ চেম্পেইনে মঙলবাৰে ভাৰত-কানাডাৰ শক্তিশালী বাণিজ্যিক আৰু বিনিয়োগ সম্পৰ্কৰ বিষয়ে আলোচনাত মিলিত হয় ৷ দুয়োখন দেশৰ বৈদেশিক মন্ত্ৰী দুগৰাকীয়ে দ্বিপাক্ষিক সম্পৰ্ক উন্নতৰ হোৱা বুলিও দৃঢ়তা প্ৰকাশ কৰে ৷
দুয়োগৰাকী নেতাই 'তৃতীয় ভাৰত-কানাডা 1.5 ডায়লগ'ত অংশগ্ৰহণ কৰে আৰু বিভিন্ন বৈশ্বিক বিষয় সম্পৰ্কত ভাৰত আৰু অট্টাবাৰ সহযোগিতা সম্পৰ্কত আলোচনা কৰে ৷
জয়শংকৰে টুইটাৰৰ জৰিয়তে কয়, "FM @FP_Champagne ৰ সৈতে ভাৰত-কানাডা 1.5 ডায়লগত অংশগ্ৰহণ কৰি আনন্দিত হ'লো ৷ দ্বিপাক্ষিক সম্পৰ্ক উন্নত কৰিবৰ বাবে দুয়োগৰাকীয়ে দৃঢ়তা প্ৰকাশ কৰিলো ৷ বিভিন্ন বৈশ্বিক বিষয় সম্পৰ্কত ভাৰত আৰু অট্টাবাৰ সহযোগিতা সম্পৰ্কত আলোচনা কৰিলো ৷"
চেম্পেইনে টুইটাৰৰ জৰিয়তে কয়, "আজি মই @DrSJaishankar ৰ সৈতে ভাৰত-কানাডা 1.5 ডায়লগত অংশগ্ৰহণ কৰিলো ৷ আমি শক্তিশালী বাণিজ্যিক আৰু বিনিয়োগ সম্পৰ্কৰ বিষয়ে আলোচনা কৰিলো আৰু 2019 চনত প্ৰায় $10B ৰ দ্বিপাক্ষিক বাণিজ্য সম্পন্ন কৰিছো ৷ আমি এই দিশত আৰু কাম কৰি যাম ৷"
লগতে পঢ়ক :অসম-নাগালেণ্ড সীমান্তত অচলাৱস্থাঃ পথ অৱৰোধেৰে প্ৰতিবাদ