নেশ্যনেল ডেস্ক, 17 এপ্ৰিল :আজি আনুষ্ঠানিকভাৱে কংগ্ৰেছ দলত যোগদান কৰিলেকৰ্ণাটকৰ প্ৰাক্তন মুখ্যমন্ত্ৰী জগদীশ শ্বেট্টাৰে ৷টিকট বঞ্চিত হৈ গেৰুৱা দল ত্যাগৰ সিদ্ধান্ত গ্ৰহণ কৰিছিলকৰ্ণাটকৰ প্ৰাক্তন মুখ্যমন্ত্ৰীগৰাকীয়ে ৷ উল্লেখ্য যে, ৰাজ্যখনত ১০ মে’ত অনুষ্ঠিত হ’ব বিধানসভাৰ নিৰ্বাচন ৷ উক্ত নিৰ্বাচনৰ টিকট লাভ নকৰা বাবেই বিজেপিৰ দল ত্যাগ কৰাৰ সিদ্ধান্ত গ্ৰহণ কৰে বিজেপিৰ জেষ্ঠ ৰাজনৈতিক নেতাজনে (Congress MLA quits BJP)।
কৰ্ণাটকৰ প্ৰাক্তন মুখ্যমন্ত্ৰী জগদীশ শ্বেট্টাৰে আজি বেংগালুৰুৰ দলীয় কাৰ্যালয়ত কংগ্ৰেছ দলত যোগদান কৰে ৷ দলটোৰ সভাপতি মল্লিকাৰ্জুন খাৰ্গে, কেপিচিচিৰ সভাপতি ডি কে শিৱকুমাৰ আৰু কংগ্ৰেছ নেতা ৰনদীপ সুৰজেৱালা, সিদ্ধাৰমাইয়া উপস্থিতি থাকে উক্ত যোগদান কাৰ্যসূচীত (Ex CM Jagadish Shettar Quit BJP) ।
উল্লেখ্য় যে, টিকট নোপোৱাত ক্ষোভিত হৈ ৬৭ বছৰীয়া জ্যেষ্ঠ নেতাগৰাকীয়ে উত্তৰ কানাড়া জিলাৰ চিৰচীত বিধানসভাৰ অধ্যক্ষ বিশ্বেশ্বৰ হেগড়ে কাগেৰীৰ ওচৰত দাখিল কৰিছিল পদত্যাগ পত্ৰ । ইয়াৰ পিচতেই শ্বেট্টাৰে তেওঁ বিধানসভাৰ পৰাও পদত্যাগ কৰিব বুলি জানিবলৈ দিয়ে । বিজেপি দললৈ তেওঁৰ যথেষ্ট অৱদান আছে বুলি উল্লেখ কৰি ন-কংগ্ৰেছী জগদীশ শ্বেট্টাৰে দলটোৰ নেতাসকলে তেওঁক বুজি পোৱা নাই বুলি আক্ষেপ প্ৰকাশ কৰে (Jagadish Shettar announces resignation) ।