নেশ্যনেল ডেস্ক, ২৮ ফেব্ৰুৱাৰী: যোৱাটো দেওবাৰে পুলৱামাৰ আচান গাঁৱত উগ্ৰপন্থীৰ গুলীত প্ৰাণ হেৰুৱাইছিল কাশ্মীৰী পণ্ডিত সঞ্জয় শৰ্মাই (Pulwama Kashmiri Pandit Attack case) ৷ কাশ্মীৰী পণ্ডিত সঞ্জয় শৰ্মাক গুলীয়াই হত্যা কৰা উগ্ৰপন্থীটো মঙলবাৰে নিৰাপত্তা বাহিনীৰে হোৱা সংঘৰ্ষত মৃত্যুমুখত পৰে । নিহত উগ্ৰপন্থীটোৰ নাম পুলৱামাৰ আকিব মুস্তাক ভাট বুলি জানিবলৈ পৰা গৈছে ।
মঙলবাৰে দক্ষিণ কাশ্মীৰৰ আৱন্তিপোৰাৰ পদগামপোৰা অঞ্চলত সেনা জোৱানৰ সৈতে হোৱা সংঘৰ্ষত নিহত অৱস্থাত উদ্ধাৰ কৰা হৈছে আকিব মুস্তাক নামৰ উগ্ৰপন্থীটোক । এই সংঘৰ্ষৰ ফলত দুজন সেনা জোৱানো গুৰুতৰভাৱে আহত হয় আৰু পৰৱৰ্তী সময়ত ইয়াৰে এজনৰ চিকিৎসালয়ত মৃত্যু হোৱা বুলি জানিব পৰ গৈছে (Awantipora Encounter 01 militant killed) । সেনা, চি আৰ পি এফ (কেন্দ্ৰীয় সংৰক্ষিত আৰক্ষী বাহিনী) আৰু আৰক্ষীৰ যৌথ দলে পডগামপোৰা গাঁৱত কৰ্ডন আৰু তালাচী অভিযান আৰম্ভ কৰাৰ সময়তে এই এনকাউণ্টাৰটো সংঘটিত হয় বুলি স্থানীয় সূত্ৰই জানিবলৈ দিয়ে (Militancy in J and K ) ।
ইয়াৰ ভিতৰত মৃত সন্ত্ৰাসবাদীটোক পুলৱামাৰ আকিব মুস্তাক ভাট বুলি চিনাক্ত কৰা হৈছে, যি প্ৰথমে হিজবুল মুজাহিদীনত কাম কৰিছিল আৰু বৰ্তমান টি আৰ এফৰ হৈ কৰিছিল ৷ ইফালে প্ৰয়াত সঞ্জয় শৰ্মাৰ হত্যাকাৰীটো এনকাউণ্টাৰ মৃত্যু হোৱা বুলি কাশ্মীৰৰ এডিজিপিগৰাকীয়ে জানিবলৈ দিয়ে । চৰকাৰী সূত্ৰই জনোৱা মতে, গুৰুতৰভাৱে আহত হোৱা সেনা জোৱানদুজনৰ মাজৰএজনে ৯২ বেছ হাস্পতালত মৃত্যুবৰণ কৰে (Jammu and Kashmir encounter) ।
অঞ্চলটোত উগ্ৰপন্থীৰ উপস্থিতিৰ বিষয়ে বিশ্বাসযোগ্য তথ্য লাভ কৰাৰ পিছতে নিৰাপত্তা বাহিনীয়ে সেই স্থানত তালাচী অভিযান চলাইছিল । সূত্ৰই জানিবলৈ দিয়া মতে, সেনা, আৰক্ষী আৰু চি আৰ পি এফৰ যৌথ দলটোৱে সন্দেহযুক্ত স্থান ডোখৰৰ কাষ চাপি অহাৰ লগে লগে আঁৰৰ পৰা উগ্ৰপন্থীৰ দল এটাই অভিযানকাৰী দলটোৰ ওপৰত গুলীচালনা কৰে ৷ ধাৰাষাৰ গুলীবৰ্ষণৰ ফলত দুজন সেনা জোৱান গুলীবিদ্ধ হয় আৰু লগে লগেই তেওঁলোকক চিকিৎসালয়লৈ প্ৰেৰণ কৰা হয় বুলি সূত্ৰই জনায় । ইফালে কাশ্মীৰ আৰক্ষীয়েও এটা টুইটযোগে উল্লেখ কৰে যে, "এই গুলীয়াগুলীত এজন উগ্ৰপন্থী নিহত হৈছে আৰু উগ্ৰপন্থীজনৰ মৃতদেহ এতিয়াও উদ্ধাৰ হোৱা নাই, আনহাতে বৰ্তমানেও এনকাউণ্টাৰ চলি আছে ।"