ইন্টাৰনেচনেল ডেস্ক ,২৬জুলাই:ইৰাকৰ ৰাজনৈতিক অচলাস্থাৰ অৱসানৰ দিশে আগবাঢ়িছে । কাৰণ ইৰাকী সংসদৰ ছিয়া ৰাজনৈতিক গোটসমূহে চৰকাৰ গঠনত ব্যৰ্থ হোৱাৰ কেইমাহমান পিছত মহম্মদ ছিয়া আল-চুডানীক প্ৰধানমন্ত্ৰী পদৰ বাবে মনোনীত কৰিছে(Iraqi parliament nominated MohammedShia al SudaniforPrime Ministe)। ছিয়া সংসদীয় দলসমূহৰ গোটৰ মিত্ৰজোঁটে সোমবাৰে এক বিবৃতিত উল্লেখ কৰে যে এখন বৈঠকৰ পিছত মহম্মদ ছিয়া আল-চুডানীক প্ৰধানমন্ত্ৰী পদৰ বাবে মনোনীত কৰা হৈছে । মিত্ৰজোঁটৰ দলসমূহৰ নেতাসকলে সৰ্বসন্মতিক্ৰমে আল-চুদানীক এই পদৰ বাবে মনোনীত কৰাৰ লগে লগে এই সমস্য়া সমাধানৰ দিশে আগবাঢ়িছে ।
উল্লেখ্য় যে ২০২১ চনৰ ১০ অক্টোবৰত অনুষ্ঠিত নিৰ্বাচনত ছাড্ৰিষ্ট আন্দোলনত ছিয়া ধৰ্মগুৰু মোকতাদা আল-সদৰৰ নেতৃত্বত তেওঁৰ অনুগামীসকলে ৭৩ খন আসন লাভ কৰিছিল । ছাড্ৰিষ্ট আন্দোলন হৈছে মুকতাদা আল-সদৰৰ নেতৃত্বত হোৱা এক ইৰাকী ইছলামিক ৰাষ্ট্ৰীয় আন্দোলন(Sadrist Movement of Iraq)। এই আন্দোলনে সমগ্ৰ ইৰাকী সমাজৰ পৰা ব্যাপক সমৰ্থন লাভ কৰিছিল । পিছে কোনো কাৰণত ছিয়া ধৰ্মগুৰু মোকতাদা আল-সদৰে সংসদৰ পৰা ৭৩ গৰাকী সাংসদক প্ৰত্যাহাৰ কৰিবলৈ নিৰ্দেশ দিয়াৰ পিছত সংসদীয় দলসমূহৰ গোটৰ মিত্ৰজোঁটে ইৰাকী সংসদৰ গৰিষ্ঠ সংখ্য়ক আসনৰ অধিকাৰী হৈ পৰে । ইপিনে, যোৱা কেইমাহমানৰ ভিতৰত ছিয়া দলসমূহৰ মাজত অব্যাহত থকা বিবাদে নতুন ইৰাকী চৰকাৰ গঠনত ব্য়াঘাত জন্মায়; কিয়নো দেশৰ সংবিধানৰ অধীনত ৩২৯ খন আসনেৰে সংসদৰ দুই-তৃতীয়াংশ সংখ্যাগৰিষ্ঠতাৰে নতুন ৰাষ্ট্ৰপতি নিৰ্বাচিত কৰিবলৈ সক্ষম হোৱা নাই ।