নেচনেল ডেস্ক,19 মে': আৰৱ সাগৰত এক বৃহৎ অনুসন্ধান তথা উদ্ধাৰ অভিযান চলাই ভাৰতীয় নৌসেনা (আইএন) আৰু ভাৰতীয় উপকূলৰক্ষী বাহিনী (আইচিজি)-এ টাউতেৰ ফলত দুখনকৈ নাৱত আৱদ্ধ হৈ মৃত্যুৰ সৈতে যুঁজ দিয়া 314 গৰাকী লোকক উদ্ধাৰ কৰে ৷ মঙলবাৰে বিভাগীয় বিষয়াসকলে এই কথা সদৰী কৰিছে ৷
কোলাবা পইণ্টৰ কাষত প্ৰচণ্ড ঢৌ, ধাৰাসাৰ বৰষুণ, ঘন্টাত 100 কিল’মিটাৰ অধিক বেগত বলি থকা তীব্ৰ বতাহৰ সৈতে যুঁজি হেলিকপ্তাৰ আৰু জাহাজেৰে অভিযান চলাই নৌসেনা আৰু উপকূলৰক্ষী বাহিনীয়ে বাৰ্জ জিএএল কনষ্ট্ৰাক্টৰত থকা 137 গৰাকী লোকক উদ্ধাৰ কৰে ৷ একেদৰে পুৱাৰ ভাগত জাহাজখন সাগৰত ডুব গ'লেও আইএনএছ কোচি, আইএনএছ কলকাতা, অ'এছভি অহিল্যা, অ'এছভি অ'চিন এনাৰ্জি, চি কিং হেলিকপ্তাৰৰ সহায়ত পাপা-305 ৰ পৰা 273 গৰাকীৰ ভিতৰত 177 গৰাকীক উদ্ধাৰ কৰা হয় ৷
প্ৰাপ্ত তথ্য অনুসৰি, মাজনিশা হোৱা এক ভূমিস্খলনৰ পাচতে টাউতেৰ তীব্ৰতা ক্ৰমাৎ হ্ৰাস পোৱাত পানীত আৱদ্ধ অন্য লোকসকলক উদ্ধাৰৰ বাবে পুনৰ প্ৰচেষ্টা চলোৱা হৈছে ৷