নেশ্যনেল ডেস্ক, 26 জুলাই:দেশৰ প্ৰধানমন্ত্ৰী প্ৰধানমন্ত্ৰী নৰেন্দ্ৰ মোদীয়ে বুধবাৰে তেওঁৰ তৃতীয় কাৰ্যকালৰ বাবে প্ৰস্তুত কৰা পৰিকল্পনা প্ৰকাশ কৰে ৷ পৰিকল্পনাৰ কথা উল্লেখ কৰি প্ৰধানমন্ত্ৰীগৰাকীয়ে কয় যে ভাৰত এতিয়াৰ তুলনাত দ্ৰুত বিকাশৰ হাৰৰ সৈতে বিশ্বৰ তৃতীয় সৰ্ববৃহৎ অৰ্থনীতিত পৰিণত হ’ব ৷
2024 চনৰ মে’ মাহত প্ৰধানমন্ত্ৰী নৰেন্দ্ৰ মোদী কাৰ্যকালৰ 10 বছৰ সম্পূৰ্ণ হ’ব আৰু পুনৰ তৃতীয়বাৰৰ বাবে নৰেন্দ্ৰ মোদীক প্ৰধানমন্ত্ৰী হিচাবে নিৰ্বাচন কৰাৰ বাবে ইতিমধ্যেই বিভিন্ন ৰণকৌশল প্ৰস্তুত কৰিছে ৷ নতুন দিল্লীত প্ৰধানমন্ত্ৰী মোদীয়ে এটা বিশ্বমানৰ সন্মিলন কেন্দ্ৰ উন্মোচন কৰি কয়, ‘‘আমি অহা 25 বছৰত ভাৰতক এখন উন্নত ৰাষ্ট্ৰ হিচাপে গঢ়ি তোলাৰ লক্ষ্য প্ৰাপ্ত কৰিব লাগিব ৷’’
তেওঁ নীতি আয়োগৰ এক প্ৰতিবেদনৰ উদ্ধৃতি দি কয় যে 13.5 কোটি দৰিদ্ৰলোকৰ দৰিদ্ৰতা নিশ্চিতভাৱে ভাৰতে দূৰ কৰিব পাৰিব ৷ বিমানবন্দৰৰ সংখ্যাৰ পৰা ৰে’ল লাইন বৈদ্যুতিকৰণৰ, গেছ যোগান আদি বিভিন্ন উন্নয়নমূলক কাম-কাজৰ খতিয়ান দাঙি ধৰি প্ৰধানমন্ত্ৰীগৰাকীয়ে কয় যে 2014 চনত বিজেপি শাসনলৈ অহাৰ পাচৰে পৰা ভাৰত বিশ্বৰ ভিতৰতৰ দশম বৃহৎ অৰ্থানীতিত পৰিণত হৈছে ৷