নিউজ ডেস্ক, ২৯ অক্টোবৰ :সন্ত্ৰাসবাদৰ ভাবুকি প্ৰতিৰোধ আৰু সুৰক্ষাৰ ক্ষেত্ৰত সদস্য ৰাষ্ট্ৰসমূহক ক্ষমতা বৃদ্ধিৰ সমৰ্থন প্ৰদানৰ ক্ষেত্ৰত UNOCT-ৰ প্ৰচেষ্টা বৃদ্ধি কৰাৰ বাবে ভাৰতে এই বছৰ সন্ত্ৰাসবাদ বিৰোধী ৰাষ্ট্ৰসংঘৰ ন্যাস পুঁজিলৈ আধা নিযুত ডলাৰ দান আগবঢ়াব (India contribution to UN Trust Fund) । শনিবাৰে ভাৰতৰ বৈদেশিক পৰিক্ৰমা মন্ত্ৰী এছ জয়শংকৰে (EAM S Jaishankar) এই কথা প্ৰকাশ কৰে ।
সন্ত্ৰাসবাদী উদ্দেশ্যৰ বাবে নতুন আৰু উদীয়মান প্ৰযুক্তিৰ ব্যৱহাৰৰ মোকাবিলা সন্দৰ্ভত সন্ত্ৰাসবাদ বিৰোধী সমিতিৰ বিশেষ বৈঠকৰ পূৰ্ণাংগ অধিবেশনত (UN meet in Delhi) ভাষণ প্ৰদান কৰি জয়শংকৰে কয়, "সন্ত্ৰাসবাদৰ ভাবুকি প্ৰতিৰোধ আৰু সুৰক্ষাৰ ক্ষেত্ৰত সদস্য ৰাষ্ট্ৰসমূহক ক্ষমতা বৃদ্ধিৰ সহায় আগবঢ়োৱাৰ ক্ষেত্ৰত UNOCT-ৰ প্ৰচেষ্টা বৃদ্ধি কৰাৰ বাবে ভাৰতে এই বছৰ সন্ত্ৰাসবাদ বিৰোধী ৰাষ্ট্ৰসমূহলৈ আধা নিযুত ডলাৰৰ দান আগবঢ়াব (UN Trust Fund for Counter Terrorism) ।"
লগতে এইটোও কয় যে এছিয়া আৰু আফ্ৰিকাত সন্ত্ৰাসবাদৰ ভাবুকি কেৱল বাঢ়িছে আৰু সম্প্ৰসাৰিত হৈছে । এই কথা 1267 নিষেধাজ্ঞা সমিতিৰ নিৰীক্ষণ প্ৰতিবেদনৰ ক্ৰমাগত প্ৰতিবেদনত আলোকপাত কৰা হৈছে ।
মন্ত্ৰীগৰাকীয়ে নতুন আৰু উদীয়মান প্ৰযুক্তিৰ ব্যৱহাৰৰ বিৰুদ্ধে যুঁজ দিয়াকে ধৰি সন্ত্ৰাসবাদৰ বিৰুদ্ধে যুঁজিবলৈ আন্তঃৰাষ্ট্ৰীয় প্ৰচেষ্টা শক্তিশালী কৰাৰ বাবে ভাৰতৰ প্ৰতিশ্ৰুতিৰ কথা দোহাৰে । চিটিচিৰ এই বিশেষ বৈঠকত গ্ৰহণ কৰিবলগা "দিল্লী ঘোষণা-পত্ৰ"ই (Delhi Declaration) সন্ত্ৰাসবাদী উদ্দেশ্যৰ বাবে নতুন আৰু উদীয়মান প্ৰযুক্তিৰ ব্যৱহাৰৰ ভাবুকিৰ মোকাবিলা কৰাৰ বাবে আন্তঃৰাষ্ট্ৰীয় সম্প্ৰদায়ৰ প্ৰতিশ্ৰুতিৰ উদাহৰণ দিব । জয়শংকৰে লগতে উল্লেখ কৰে যে সমগ্ৰ বিশ্বৰ চৰকাৰসমূহৰ বাবে তেওঁলোকৰ বৰ্তমান চলি থকা চিন্তাৰ আন এটা সংযোগ হৈছে সন্ত্ৰাসবাদী গোট আৰু সংগঠিত অপৰাধী নেটৱৰ্কৰ দ্বাৰা মানৱবিহীন বিমান প্ৰণালী ব্যৱহাৰ কৰা ।
"শেহতীয়া বছৰবোৰত সন্ত্ৰাসবাদী গোট, বিশেষকৈ মুক্ত আৰু উদাৰ সমাজত আক্ৰমণকাৰীসকলে প্ৰযুক্তিৰ প্ৰৱেশাধিকাৰ লাভ কৰি তেওঁলোকৰ সামৰ্থ্য বৃদ্ধি কৰিছে । তেওঁলোকে স্বাধীনতা, সহিষ্ণুতা আৰু প্ৰগতিক আক্ৰমণ কৰিবলৈ মুক্ত সমাজৰ প্ৰযুক্তি, ধন আৰু নীতি ব্যৱহাৰ কৰে ।" তেওঁ কয় । বৈদেশিক পৰিক্ৰমা মন্ত্ৰীগৰাকীয়ে আঙুলিয়াই দিয়ে যে ইণ্টাৰনেট আৰু ছ'চিয়েল মিডিয়া প্লেটফৰ্মসমূহ সমাজক অস্থিৰ কৰাৰ লক্ষ্যৰে প্ৰচাৰ, মৌলবাদ আৰু ষড়যন্ত্ৰমূলক প্ৰচাৰৰ বাবে সন্ত্ৰাসবাদী আৰু উগ্ৰপন্থী গোটসমূহৰ টুলকিটত শক্তিশালী সঁজুলিলৈ পৰিণত হৈছে ।
লগতে পঢ়ক :Helicopter Crashed in Arunachal: ALH হেলিকপ্টাৰসমূহ পৰ্যবেক্ষণৰ নিৰ্দেশ প্ৰতিৰক্ষা বিভাগৰ
