নেশ্যনেল ডেস্ক, 21 ছেপ্তেম্বৰ : ভাৰতত কৰ’ণাৰ ভয়াৱহতা হ্ৰাস পালেও অব্যাহত আছে সংক্ৰমণ ৷ কেন্দ্ৰীয় স্বাস্থ্য মন্ত্ৰালয়ে মঙলবাৰে পুৱা প্ৰকাশ কৰা তথ্য অনুসৰি, ভাৰতত বিগত 24 ঘণ্টাত 26,115 গৰাকী লোক নতুনকৈ কৰ’ণাত আক্ৰান্ত হোৱাৰ বিপৰীতে মৃত্যু হৈছে 252 গৰাকীৰ ।
ভাৰতত সক্ৰিয় ঘটনাৰ সংখ্যা সোমবাৰে 3,09,575 লৈ হ্ৰাস পাইছে, যি 184 দিনত সৰ্বনিম্ন ৷ আনহাতে ক’ভিড-19 পুনৰুদ্ধাৰৰ হাৰ হৈছে 97.75 শতাংশ আৰু দৈনিক ইতিবাচকতাৰ হাৰ 1.85 শতাংশ ৷
দেশজুৰি টীকাকৰণ অভিযানৰ অধীনত 81,85,13,827 গৰাকীক ক’ভিড 19ৰ ভেকছিন প্ৰদান কৰা হৈছে ৷ কেৱল সোমবাৰৰ দিনটোত প্ৰায় 96.46 লাখৰো অধিক লোকক ক’ভিড প্ৰতিষেধকৰ পালি প্ৰদান কৰা হৈছে ৷
ভাৰতীয় চিকিৎসা গৱেষণা পৰিষদৰ মতে, 20 ছেপ্টেম্বৰলৈকে মুঠ 55,50, 35,717 টা ক’ভিড নমুনা পৰীক্ষা কৰা হৈছিল, যাৰ ভিতৰত সোমবাৰে 14,13,951 টা নমুনা পৰীক্ষা কৰা হৈছিল । এই ৰোগৰ পৰা আৰোগ্য হোৱা লোকৰ সংখ্যা সোমবাৰে 3,27,49,574 জনলৈ বৃদ্ধি পাইছে আৰু 34,469 জনক চিকিৎসালয়ৰ পৰা অব্যাহতি দিয়া হৈছে ।
লগতে পঢ়ক :COVID-19 : দেশৰ শেহতীয়া তথ্য
