নিউজ ডেস্ক, 12 নৱেম্বৰ : ২০১২ চনৰ পৰাই গুজৰাটত কংগ্ৰেছী নেতাৰ সোঁত বৈছিল বিজেপিলৈ । ২০১২ চনৰ পৰা এই পৰ্যন্ত গুজৰাটত প্ৰায় ৬০ গৰাকী নেতৃস্থানীয় কংগ্ৰেছ নেতাই বিজেপিত যোগদান কৰিছে । য’ত কংগ্ৰেছৰ বিধায়ক, সাংসদো তালিকাভুক্ত হৈছে । ২০১২ চনৰ নিৰ্বাচনত কংগ্ৰেছ ত্যাগ কৰি বিজেপিত যোগদান কৰিছিল নৰহৰি আমিনে (Congress leader quits party in Gujarat)। বিজেপিত যোগদান কৰাৰ পিছত নৰহৰি আমিন ৰাজ্যসভাৰ সাংসদ হয় । পৰৱৰ্তী পৰ্যায়ত কোন কোন নেতাই কংগ্ৰেছ এৰি বিজেপিত যোগদান কৰিলে জানো আহক ।
বিতল ৰাদাদিয়া : কংগ্ৰেছ ত্যাগ কৰি ২০১২ চনত বিজেপিত যোগদান কৰে । ২০১৭ চনত বিত্তল ৰাদিয়া আৰু তেওঁৰ পুত্ৰ জয়শ ৰাদিয়া মন্ত্ৰী হয় ।
লীলাধৰ বাঘেলা : কংগ্ৰেছ ত্যাগ কৰি ২০১২ চনত বিজেপিত যোগদান কৰে । পৰৱৰ্তী সময়ত পাটনাৰ পৰা সাংসদ হৈছিল লীলাধৰ বাঘেলা ।
পৰ্বত পেটেল : ২০১২ চনত বিজেপিত যোগদান । তেওঁ বৰ্তমান বানাস্কান্তৰ সাংসদ ।
পুনম মেডাম : ২০১২ চনত কংগ্ৰেছৰ সৈতে সম্পৰ্ক চেদ কৰিছিল । তেওঁ বিজেপিত যোগদান কৰি ২০১৪ আৰু ২০১৯ চনত দুটা কাৰ্যকালৰ বাবে সাংসদ হয় ।
দেৱুন সিং চৌহান : কংগ্ৰেছৰ পৰা বিজেপিত যোগদান । বৰ্তমান তেওঁ বিজেপি নেতৃত্বাধীন চৰকাৰৰ ৰাজ্যিক মন্ত্ৰী ।
ৰামসিং পৰমাৰ : ২০১৭ চনত বিজেপিত যোগদান । বৰ্তমান আমুলৰ অধ্যক্ষ হিচাপে দায়িত্ব পালন কৰি আছে ।
কুঁৱৰজী বাৱলীয়া :কংগ্ৰেছ ত্যাগ কৰি বিজেপিত যোগদান কৰি উপ-নিৰ্বাচনত জয়ী হৈ কেবিনেট মন্ত্ৰী হয় ।
ৰাঘৱজী পেটেল : কংগ্ৰেছ ত্যাগ কৰি বিজেপিত যোগদান কৰি ভূপেন্দ্ৰ পেটেলৰ চৰকাৰৰ কেবিনেট মন্ত্ৰী হয় ।
জৱাহৰ চাৱদা : কংগ্ৰেছ ত্যাগ কৰি বিজেপিত যোগদান কৰি উপ-নিৰ্বাচনত জয়ী হৈ ৰূপানীৰ চৰকাৰৰ মন্ত্ৰী হয় । তেজশ্ৰী বেহেন পেটেল, কামশী পেটেল আৰু বলৱন্তসিংহ ৰাজপুতে বিজেপিত যোগদান কৰে ।
কামশী পেটেল: কামশী পেটেলৰ পুত্ৰ কানু পেটেলে সানন্দৰ পৰা বিধায়ক হৈ ২০১৭ চনত তেজশ্ৰীবেন বিৰামগামৰ আসনৰ পৰা প্ৰতিদ্বন্দ্বিতা কৰি পৰাজিত হয় ।
বলৱন্তসিংহ ৰাজপুত : বিজেপিত যোগদান কৰাৰ পিছত বলৱন্তসিংহ ৰাজপুত জিআইডিচি ব’ৰ্ড কৰ্প’ৰেশ্যনৰ অধ্যক্ষ হয় । অৱশ্যে এতিয়া পদত্যাগ কৰিছে ।
আনহাতে মংগল গাৱিত, অক্ষয় পেটেল, জে.ভি. কাকদিয়া, প্ৰদ্যুমনসিংহ জাদেজা, সোমা পেটেল, প্ৰবীণ মাৰু, জীতু চৌধুৰী আৰু তাৰ পিছত বৃজেশ মেৰজাই কংগ্ৰেছৰ পৰা পদত্যাগ কৰে । য’ত প্ৰবীণ মাৰু, মংগল গাভিট আৰু সোমা পেটেল কোনো কোনো দলত যোগদান কৰা নাছিল । অৱশ্যে ভূপেন্দ্ৰ পেটেলৰ চৰকাৰত ব্ৰিজেশ মের্জা, জীতু চৌধৰীয়ে কেবিনেটত নতুন পদ লাভ কৰে ৷
ইফালে অক্ষয় পেটেল, জে ভি কাকদিয়া, প্ৰদ্যুমান সিং জাডেজা বিজেপিত যোগদান কৰি উপ-নিৰ্বাচনৰ জৰিয়তে পুনৰ বিধায়ক হয় । লুনাৱাড়াৰ প্ৰাক্তন বিধায়িকা হীৰা পেটেলেও বিজেপিৰ নিযুক্তি অভিযানত যোগদান কৰে । কংগ্ৰেছৰ জ্যেষ্ঠ নেতা সাগৰ ৰাইকাই পাঁচমাহ পূৰ্বে দিল্লী বিজেপিত যোগদান কৰিছিল ।
৩৭ বছৰ কংগ্ৰেছ দলৰ কাৰ্যনিৰ্বাহ হিচাবে দ্বায়িত্ব পালন কৰি অহা জয়ৰাজ সিঙেও কংগ্ৰেছৰ পৰা বিচ্ছিন্ন হৈ বিজেপিত যোগদান কৰে । কংগ্ৰেছৰ প্ৰবীণ নেতা তথা প্ৰাক্তন বিধায়ক অশ্বিন কোটৱালে বিজেপিত যোগদান কৰে । জনজাতি নেতা তথা উগ্ৰ কংগ্ৰেছী অনিল যোছিয়াৰাৰ পুত্ৰ কেৱাল যোছিয়াৰাইও কেছাৰিয়োৰ বাঘজৰী দখল কৰে । তাৰ পিছত এতিয়া হাৰ্দিক পেটেল আৰু শ্বেতা ব্ৰহ্মভাটকে ধৰি আৰু দুজন কংগ্ৰেছ নেতায়ো চি.আৰ. পাটিলৰ নেতৃত্বত বিজেপিত যোগদান ।
২০২২ চনৰ বিধান সভাৰ বাবে বিৰামগামৰ পৰা টিকট লাভ কৰিছে হাৰ্দিক পেটেলে (Gujarat Election 2022)। বিগত ৪৮ ঘন্টাত ছোটেউডেপুৰৰ বিধায়ক মোহন সিং ৰাথৱা, তালালাৰ বিধায়ক ভগৱান বৰাদ আৰু ঝালোদৰ ভৱেশ কটাৰাকে ধৰি তিনিজন কংগ্ৰেছ বিধায়কে বিজেপিত যোগদান কৰিছে । উল্লেখ্য যে, ছোটৌডেপুৰৰ বিধায়ক মোহন সিং ৰাথৱাই একেৰাহে ১০ টা কাৰ্যকালৰ বাবে জয়লাভ কৰি আহিছে ।
জানিব পৰা গৈছে যে কংগ্ৰেছে তেওঁৰ মোহন সিং ৰাথৱাৰ পুত্ৰক টিকট নিদিয়াৰ বাবেই কৰাৰ বাবেই তেওঁ কংগ্ৰেছ ত্যাগ কৰে । আনহাতে বিজেপিয়ে প্ৰদান কৰে টিকট । মন কৰিবলগীয়া যে, জনজাতীয় অঞ্চলত মোহন সিং ৰাথৱা যথেষ্ট জনপ্ৰিয় । জনজাতীয় এলেকাত প্ৰচাৰ চলাই বিজেপিক আৰু এখন জনজাতীয় আসন লাভ কৰাত সহায় কৰিব পাৰে মোহন সিং ৰাথৱাই ।
কংগ্ৰেছ এৰি বিজেপিত যোগদান কৰা গুজৰাটৰ বিধায়কসকল :
(1) কুঁৱৰজী বাৱলীয়া (২) জে.ভি. কাকদিয়া (৩) জৱাহৰ চাৱদা (৪) মংগল গাৱিত (৫) ব্ৰিজেশ মেৰজা (৬) জীতু চৌধুৰী (৭) সোমভাই পেটেল (৮) পৰসোত্তমভাই শবাৰীয়া (৯) আশা পেটেল (১০) অলপেশ ঠাকোৰ (১১) পদমুমনসিংহ জাদেজা (১২) প্ৰবীণ মাৰু (১৩) অক্ষয় পেটেল (১৪) ধৱলসিংহ ঝালা (১৫) ধৰ্মেন্দ্ৰসিংহ জাদেজা (১৬) অশ্বিন কোতৱাল (১৭) হৰ্ষদ ৰিবাদিয়া (১৮) মহনসিং ৰাথৱা (১৯) ভগা বৰদ (২০) ভৱেশ কটাৰা ।
লগতে পঢ়ক :Gujarat Election 2022 : থৰক-বৰক হৈছে নেকি গুজৰাট বিজেপিৰ ভিতৰ চ’ৰা ?
