হিমশীতল উষ্ণতাতো কোকেৰনাগবাসীয়ে ব্যৱহাৰ কৰে বৰফৰ পানী

জম্মু-কাশ্মীৰৰ অনন্তনাগৰ কোকেৰনাগ অঞ্চলবাসীৰ মাজত বৰ্তমানো খোৱাপানীক লৈ হাহাকাৰ পৰিস্থিতি ৷ সম্প্ৰতি অঞ্চলবাসীয়ে বৰফ গলাই সেই পানী ব্যৱহাৰ কৰাৰ পথ বাছি লৈছে ৷

নেশ্যনেল ডেস্ক,17 জানুৱাৰী : যদিও কাশ্মীৰ বহু জলসম্পদেৰে ভৰপূৰ, কিন্তু তথাপিও কাশ্মীৰত এনে কিছুমান অঞ্চল আছে য’ত এতিয়াও বহু লোকে পানীৰ অভাৱত চট্ফটাবলগীয়া হয় ৷

অনন্তনাগৰ কোকেৰনাগ অঞ্চলবাসীয়ে বৰ্তমানো খোৱাপানীৰ বাবে সংগ্ৰাম চলোৱা পৰিলক্ষিত হয় ৷ কোকেৰনাগৰ চেৰহাৰ এলেকাৰ পানীৰ অভাৱত থকা প্ৰায় 350 টা পৰিয়ালে পানীৰ বাবে এক নতুন পদ্ধতি অৱলম্বন কৰিছে ৷ তেওঁলোকে বৰফ গলাই বৰফৰ পানী ব্যৱহাৰ কৰাৰ সিদ্ধান্ত গ্ৰহণ কৰিছে ৷

হিমশীতল তাপমাত্ৰা স্বত্বেও কোকেৰনাগবাসীয়ে ব্যৱহাৰ কৰে বৰফৰ পানী

স্থানীয় লোকৰ অভিযোগ অনুসৰি, তেওঁলোকে বৰ্তমানো খোৱাপানীৰ সুবিধা লাভ কৰা নাই ৷ কোনেও তেওঁলোকৰ এই সমস্যা সমাধানৰ বাবে ঘূৰি নাচায় ৷ পানীৰ অভাৱ এনে এক বিষয় যে, গ্ৰীষ্মকালত পানীৰ টেংকাৰ যোগানৰ সময়ত তেওঁলোকে সেই পানীৰ টেংকাৰত বৰফ থ’বলগীয়া হয় ৷ গাঁও আৰু ইয়াৰ কাষৰীয়া অঞ্চলসমূহত বৰফৰ পৰা খোৱাপানী উলিয়াবৰ বাবে অস্ত্ৰ-শস্ত্ৰ গৰম কৰিবলগীয়া হয় ।

হিমশীতল তাপমাত্ৰা স্বত্বেও কোকেৰনাগবাসীয়ে ব্যৱহাৰ কৰে বৰফৰ পানী

বৰ্তমানো এই এলেকাসমূহ উপক্ষিত হৈ আছে ৷ জনপ্ৰতিনিধি তথা চৰকাৰক অৱগত কৰাৰ পাচতো কেনো গুৰুত্ব নিদিয়াৰ অভিযোগ তুলিছে ভুক্তভোগী লোকসকলে ৷

হিমশীতল তাপমাত্ৰা স্বত্বেও কোকেৰনাগবাসীয়ে ব্যৱহাৰ কৰে বৰফৰ পানী

আনহাতে জল শক্তি বিভাগৰ সহকাৰী কাৰ্যবাহী অভিযন্তা জাভেড আহমেদে ইটিভি ভাৰতক জনায় যে, সেই অঞ্চল বহু উচ্চতাত অৱস্থিত হোৱা হেতুকে পানী টেংকাৰ তাত বহুওৱাটো অতি কঠিন কাম । অৱশ্যে উক্ত অঞ্চলত নিৰন্তৰ পানী যোগান নিশ্চিত কৰাৰ বাবে এক স্থায়ী সমাধান তথা প্ৰকল্পৰ কাম হাতত লোৱা হৈছে । এই প্ৰকল্পটোৰ কাম চলিত বৰ্ষৰ মাৰ্চ মাহৰ পৰা আৰম্ভ হ’ব বুলি তেওঁ জানিবলৈ দিয়ে ৷

লগতে পঢ়ক :টীকাকৰণ অভিযানকলৈ মালদ্বীপৰ ৰাষ্ট্ৰপতিৰ শুভেচ্ছা মোডীক