নেশ্যনেল ডেস্ক,৭ নৱেম্বৰ :চেন্নাইত এগৰাকী মহিলাৰ গুৰুত্বপূৰ্ণ মন্তব্য । নিজকে প্ৰাক্তন মুখ্যমন্ত্ৰী প্ৰয়াত জয়াললিতাৰ (Jayalalitha) কন্যা বুলি দাবী কৰিছে মহিলাগৰাকীয়ে । মহিলাগৰাকীৰ এই মন্তব্যৰ পাছত ব্যাপক চাঞ্চল্যই বিৰাজ কৰিছে দেশৰ ৰাজনৈতিক মহলত ।
উল্লেখ্য যে, প্ৰেমা নামৰ পল্লৱৰামৰ বাসিন্দা মহিলাগৰাকীয়ে শনিবাৰে মেৰিনাৰ জয়াললিতাৰ সমাধিস্থলিত উপস্থিত হয় । প্ৰাক্তন মুখ্যমন্ত্ৰীগৰাকীৰ স্মাৰকত শ্ৰদ্ধাঞ্জলি জ্ঞাপন কৰাৰ পাছতে তেওঁ সাংবাদিকৰ সন্মুখত দাবী কৰে যে, তেওঁ প্ৰয়াত জয়াললিতাৰ কন্যা । সাংবাদিকক কোৱা মতে তেওঁৰ জন্ম মহীশূৰত হৈছিল । ৩০ বছৰ ধৰি তেওঁ চেন্নাইতে আছে ।
সময় আহিলে তেওঁ নিজকে জয়াললিতাৰ কন্যা বুলি প্ৰমাণো দিব বুলিও কয় প্ৰেমাই । মহিলাগৰাকীয়ে লগতে কয় যে তেওঁক ডাঙৰ দীঘল কৰা পিতৃ-মাতৃৰো মৃত্যু হৈছে । অহা ৪-৫ দিনৰ ভিতৰত তেওঁ শশীকলাক সাক্ষাৎ কৰিব বুলিও জনায় । মহিলাগৰাকীৰ মতে জয়াললিতাই তেওঁক বেবী বুলি সম্বোধন কৰিছিল ।