আজিৰ পৰা ৮ দিনৰ বাবে উদযাপন কৰা হ'ব নৱৰাত্ৰি উৎসৱ ৷ নৱৰাত্ৰি উৎসৱৰ সময়ত ভক্তই মা দেৱী দুৰ্গাৰ নটা ৰূপৰ পূজা কৰে ৷ একে সময়তে অধিকাংশ লোকে দেৱীৰ ভক্তিত উপবাসেও থাকে ৷ স্বাস্থ্য বিশেষজ্ঞৰ মতে, উপবাসে স্বাস্থ্যৰ বহু উপকাৰ লাভ সাধন কৰে ৷
অৱশ্যে ইয়াৰ সমান্তৰালকৈ স্বাস্থ্য বিশেষজ্ঞসকলেও কয় যে, উপবাসৰ সময়ত স্বাস্থ্যৰ যত্ন লোৱাটোও গুৰুত্বপূৰ্ণ ৷ ইয়াৰ ফলত আপোনাৰ স্বাস্থ্যৰ ওপৰত কোনো ধৰণৰ নেতিবাচক প্ৰভাৱ নপৰে ৷ কিন্তু যদি আপুনিও নৱৰাত্ৰিৰ সময়ত ব্ৰত ৰাখিছে, তেন্তে ভুলতেও এই ভুলবোৰ কৰাৰ পৰা বিৰত থাকক-
ভোকত নাথাকিব
যদি আপুনি নৱৰাত্ৰিৰ বাবে ব্ৰত ৰাখিছে তেন্তে ইয়াৰ অৰ্থ এইটো নহয় যে আপুনি খোৱা বন্ধ কৰিব লাগে ৷ যদি আপুনি খাদ্য গ্ৰহণ বন্ধ কৰে তেন্তে শৰীৰত শক্তিৰ মাত্ৰা কমি যাব ৷ গৰ্ভাৱস্থাত শৰীৰত কমেও ১২০০ কেলৰিৰ প্ৰয়োজন হয় ৷ গতিকে কম সময়ৰ ব্যৱধানত কিবা এটা খাই থাকিব লাগে ৷
ব্যায়াম কৰা
কিছুমান মানুহ বেছি ফিটনেছ ফ্ৰিক ৷ ব্ৰতৰ সময়তো তেনেলোকে ৱৰ্কআউট কৰে ৷ কিন্তু এই কাম কৰিলে স্বাস্থ্যৰ বাবে একেবাৰেই উচিত নহয় ৷ উপবাসৰ সময়ত শৰীৰত শক্তিৰ মাত্ৰা পূৰ্বতকৈ কম হৈ থাকে, যাৰ ফলত মূৰ ঘূৰণিৰ সৃষ্টি হ’ব পাৰে ৷
তেলীয়া বস্তু পৰিহাৰ কৰক
গোটেই দিনটো ভোকত থকাৰ লগে লগে তেলীয়া খাদ্য খালে স্বাস্থ্যৰ বাবে ক্ষতিকাৰক হ’ব পাৰে ৷ সন্ধিয়া আলু ভাজি, পুৰী বা পকৰি খালে শৰীৰত ৰক্তশৰ্কৰাৰ পৰিমাণ বৃদ্ধি পাব পাৰে ৷
ডিহাইড্ৰেচন
উপবাসৰ সময়ত বেছিভাগ মানুহেই সঠিক পৰিমাণে পানী নাখায়, যাৰ বাবে তেওঁলোকৰ শৰীৰত পানীৰ অভান হোৱাৰ আশংকা থাকে যাক ডিহাইড্ৰেচন বুলিও কোৱা হয় ৷ কিন্তু সেই সময়ত গম পোৱা নাযাবও পাৰে কিন্তু পিছলৈ ডিহাইড্ৰেচনৰ সমস্যাৰ সৃষ্টি হ’ব পাৰে ৷ গতিকে উপবাসৰ সময়ত এই সমস্যাৰ পৰা হাত সাৰিবলৈ পৰ্যাপ্ত পৰিমাণৰ পানী খাব লাগে ৷ ইয়াৰ বাহিৰেও চাহ বা কফি খোৱাৰ পৰা বিৰত থাকক ৷ ইয়াৰ ফলত এচিডিটি আৰু হাৰ্টবাৰ্ণৰ দৰে সমস্যা হ’ব পাৰে ৷
লগতে পঢ়ক:Shardiya Navratri 2023 Bhog: নৱৰাত্ৰীৰ 9 দিনত আগবঢ়াওক এই 9 বিধ প্ৰসাদ, সন্তুষ্ট হ’ব মা দুৰ্গা
