নেশ্যনেল ডেস্ক,১১ জুলাই: ভয়ংকৰ প্ৰাকৃতিক দুৰ্যোগৰ কৱলত কৰ্ণাটক । বিগত কেইবাদিনো ধৰি ৰাজ্যখনত প্ৰবল বৃষ্টিপাত হোৱাৰ ফলত ৰাজ্যখনৰ কেইবাখনো জিলাত বান পৰিস্থিতিয়ে লৈছে ভয়ংকৰ ৰূপ(Heavy rain in Karnataka) । ঠায়ে ঠায়ে সৃষ্টি হৈছে ভূমিস্খলনৰ(Flood and landslide in Karnataka) । বানত বুৰিছে ৰাজ্যখনৰ কেইবাখনো জিলা । পৰৱৰ্তী দুদিনলৈ ধাৰাষাৰ বৰষুণ অব্যাহত থকাৰ আগজাননী বতৰ বিজ্ঞান কেন্দ্ৰৰ । বতৰ বিজ্ঞান বিভাগে ১২ জুলাইলৈকে উদুপী, উত্তৰা কানাড়া আৰু দক্ষিণ কানাড়া জিলাত ৰেড এলাৰ্ট জাৰি কৰিছে ।
জানিব পৰা মতে ধাৰাষাৰ বৰষুণৰ ফলত কেইবাখনো জিলা এতিয়া বানৰ কৱলত । চিক্কামাগালুৰ জিলাত বানে লৈছে ভয়ংকৰ ৰূপ । তুঙ্গা নদীৰ জলপৃষ্ঠ বৃদ্ধি পোৱাৰ ফলত শ্ৰীংগেৰী মন্দিৰৰ চৌদিশ সম্পূৰ্ণৰূপে বানত বুৰ গৈছে। ইফালে জিলাখনৰ কোপ্পা তালুকৰ গুড্ডে থোটা গাঁৱত ভূমিস্খলন হোৱাৰ বাতৰি প্ৰকাশ পাইছে । ভূমিস্খলনৰ ফলত হোৰানাডু-শ্ৰীংগেৰী পথত যান-বাহনৰ চলাচল সম্পূৰ্ণৰূপে বন্ধ কৰি দিয়ে প্ৰশাসনে ।