নেশ্যনেল ডেস্ক, 18 ছেপ্টেম্বৰ:অব্যাহত আছেজ্ঞানবাপী গোচৰৰ শুনানি ৷সোমবাৰেএলাহাবাদ উচ্চ ন্যায়ালয়ত গ্ৰহণ কৰা হ’ব কাশীৰ জ্ঞানবাপী গোচৰৰ শুনানি । উভয় পক্ষৰ অধিবক্তাই উচ্চ ন্যায়ালয়ত নিজৰ ধৰণেৰে এই গোচৰৰ যুক্তি আগবঢ়াব বুলি জানিব পৰা গৈছে ।
ইয়াৰ পূৰ্বে এই গোচৰৰ শুনানি 12 ছেপ্টেম্বৰত হৈছিল । কাৰণ সেই সময়ত অধিবক্তাৰ ধৰ্মঘট হৈছিল । সেইবাবে মুখ্য ন্যায়াধীশ প্ৰতীংকৰ দিৱাকাৰৰ আদালতে অনলাইন শুনানিৰ অনুমতি প্ৰদান কৰিছিল । অৱশ্যে অনলাইন শুনানিৰ সময়ত কোনো অধিবক্তা হাজিৰ নোহোৱাৰ বাবে গোচৰৰ শুনানি গ্ৰহণ কৰিব পৰা নগ’ল । অইয়াৰ পিচতে উচ্চ ন্যায়ালয়ে গোচৰটোৰ পৰৱৰ্তী শুনানিৰ দিন 18 ছেপ্টেম্বৰ অৰ্থাৎ সোমবাৰে ধাৰ্য কৰে ।
দৰাচলতে বেনাৰস আদালতত দাখিল কৰা গোচৰৰ ৰক্ষণাবেক্ষণযোগ্যতাক উচ্চ ন্যায়ালয়ত প্ৰত্যাহ্বান জনোৱা হৈছিল । জ্ঞানবাপী মছজিদ থকা ঠাইত মন্দিৰ পুনৰ নিৰ্মাণৰ অনুমতি দিব লাগে বুলি হিন্দু পক্ষই দাবী উত্থাপন কৰিছিল । অঞ্জুমান ইণ্টেজামিয়া মছজিদ সমিতিৰ হৈ হিন্দু পক্ষই আবেদন দাখিল কৰা আবেদনৰ বিৰুদ্ধে দ্বাৰস্থ হৈছিল । এই আবেদনৰ জৰিয়তে জ্ঞানবাপি চৌহদৰ জৰীপকো প্ৰত্যাহ্বান জনোৱা হৈছিল ।
কমিটীৰ অধিবক্তাই গোচৰটোৰ অধ্যয়নৰ বাবে অতিৰিক্ত সময়ৰ বাবে আবেদন জনাইছিল, ইয়াৰ পিচতে উচ্চ ন্যায়ালয়ে গোচৰটোৰ শুনানিৰ বাবে 12 ছেপ্টেম্বৰৰ দিনটো নিৰ্ধাৰণ কৰিছিল । লগতে অনলাইন শুনানিৰ অনুমতি উচ্চ ন্যায়ালয়ে প্ৰদান কৰে । অৱশ্যে কোনো এজন অধিবক্তাৰ অনুপস্থিতিৰ বাবে 12 ছেপ্টেম্বৰত গোচৰৰ শুনানি গ্ৰহণ কৰিব পৰা নগ’ল । এই সন্দৰ্ভত উচ্চ ন্যায়ালয়ে পৰৱৰ্তী শুনানিৰ বাবে 18 ছেপ্টেম্বৰৰ দিনটো নিৰ্ধাৰণ কৰে ।
লগতে পঢ়ক:Army Soldier killed in Manipur: হিংসা জৰ্জৰ মণিপুৰত সেনা জোৱানক অপহৰণ কৰি হত্যা
