নেশ্যনেল ডেস্ক, ২৮ ছেপ্টেম্বৰ: গুটখা, পাণ মচলা কিনা-বেচা কৰিলেই আইনৰ ৰোষত পৰিব যিকোনো লোক । গুটখা, পাণ মচলা প্ৰস্তুত কৰাতো বাধা আৰোপ কৰা হৈছে । সোমবাৰে ৰাজ্যিক খাদ্য আৰু ঔষধ প্ৰশাসনে এই সন্দৰ্ভত এখন জাননী জাৰি কৰি নিৰ্দেশ দিয়ে যে, ২০২২ ৰ ছেপ্টেম্বৰলৈ নিষিদ্ধ হ'ব গুটখা, পাণ মচলা কিনা-বেচাৰ লগতে প্ৰস্তুতকৰণ । ইতিমধ্যে সকলো জিলা দণ্ডাধীশ, আৰক্ষী অধীক্ষক, খাদ্য পৰিদৰ্শক আৰু আন বিষয়াসকললৈ নতুন নিৰ্দেশ জাৰি কৰা হৈছে ।
চৰকাৰৰ নিৰ্দেশক অৱমাননা কৰা লোকৰ বিৰুদ্ধে আইনী ব্যৱস্থা লোৱা হ'ব বুলি উক্ত নিৰ্দেশনাত উল্লেখ কৰা হৈছে । কৰ'ণা মহামাৰীৰ সংক্ৰমণ অব্যাহত থকাৰ বাবে চৰকাৰে এই সিদ্ধান্ত গ্ৰহণ কৰিছে । কোনো লোকে যাতে গুটখা, পাণ মচলা খাই য'তে-ত'তে থু নেপেলায়, তাৰ প্ৰতি লক্ষ্য ৰাখি ৰাজ্য চৰকাৰে এই সিদ্ধান্ত লৈছে ।