নিউজ ডেস্ক, 31 ডিচেম্বৰ :ভাৰতীয় নৌ-সেনাৰ ফৰৱাৰ্ড বেছৰ অপাৰেটিং চাউনী আইএনএছ দ্বাৰকাত উপস্থিত হয় শীৰ্ষ নৌ-সেনা বিষয়া, নৌ-সেনা প্ৰধান এডমিৰেল কৰমবীৰ সিং ৷ বৃহস্পতিবাৰে গুজৰাটৰ ওখাস্থিত নৌ-সেনাৰ ঘাটিটো পৰিদৰ্শন কৰি সামৰিক আৰু নিৰাপত্তাজনিত দিশৰ বুজ লয় এডমিৰেল গৰাকীয়ে ৷ ভাৰতীয় নৌ-সেনাৰ মুখপাত্ৰই এই কথা প্ৰকাশ কৰিছে ৷
গুজৰাট, দমন-দিউৰ ফ্লেগ অফিচাৰ কামাণ্ডিং বিষয়াই সমগ্ৰ চাউনীটোৰ নিৰাপত্তা আৰু সুৰক্ষাৰ লগতে সাগৰীয় অভিযানৰ সবিশেষ জনায় এডমিৰেল কৰমবীৰ সিঙক ৷ ভ্ৰমণকালত নৌ-সেনা প্ৰধানগৰাকীয়ে উপকূলীয় অঞ্চলটোত লোৱা নিৰীক্ষণকাৰী ব্যৱস্থাৱলীৰ বুজ লোৱাৰ লগতে নৌ-সেনা ঘাটি ওখা আৰু প্ৰতিৰক্ষা সুৰক্ষা ক’ৰৰ বিষয়া আৰু জোৱানসকলৰ সৈতে আলোচনাত মিলিত হয় ৷