নেশ্যনেল ডেস্ক, 6এপ্ৰিল: দেশত পুনৰ বৃদ্ধি পাবলৈ ধৰিছে মহামাৰী ক’ভিড 19ৰ সন্ত্ৰাস ৷ মহামাৰী ক’ভিড 19ৰ প্ৰকোপ কিছু হ্ৰাস কৰিবলৈ পুৰীলৈ অহা 12খন ৰাজ্যৰ তীৰ্থযাত্ৰী পৰ্যটক সকলে আগমণৰ সময়ত আৰটি-পিচি আৰ(RT-PCR) সকলো প্ৰতিবেদন প্ৰদৰ্শন কৰাটো বাধ্যতামূলক হ’ব ৷
উল্লেখ্য যে, দৰ্শনাৰ্থীসকলে আৰ টি পি চি আৰৰ প্ৰতিবেদন কৰাত বিফল হ’লে দৰ্শনাৰ্থীসকলে সাত দিনৰ বাবে হোম আইচ’লেশ্যনত যাব লাগিব ৷ এই তথ্য সদৰি কৰে পুৰীৰ জিলা উপায়ুক্ত সমৰ্থ বাৰ্মাই ৷
ক’ভিড 19ৰ অতি সংক্ৰমিত 12 খন ৰাজ্যৰ ভিতৰত অন্তৰ্ভূক্ত হৈছে মহাৰাষ্ট্ৰ, কৰ্ণাটক, দিল্লী, উত্তৰ প্ৰদেশ, তামিলনাডু, মধ্য প্ৰদেশ, পঞ্জাৱ, ছত্তীশগড়, কেৰালা আৰু গুজৰাট ।
ইফালে পুৰীত মন্দিৰত প্ৰৱেশ কৰাৰ সময়ত মাস্ক পৰিধান কৰাটো বাধ্যতামূলক কৰাৰ লগতে সামাজিত দূৰত্ব উলংঘন কৰিলে প্ৰশাসনে কঠোৰ ব্যৱস্থা গ্ৰহণ কৰিব বুলিও মন্তব্য কৰে জিলা উপায়ুক্ত সমৰ্থ বাৰ্মাই ৷ লগতে তেওঁ গোটেই মন্দিৰটো সপ্তাহত এবাৰ কৈ চেনিটাইজ কৰাৰ কথাও উল্লেখ কৰে ।
লগতে পঢ়ক:ক’ভিড-19 সম্পৰ্কীয় উৰাবাতৰি নাকচ বিশ্ব স্বাস্থ্য সংস্থাৰ
