নেশ্যনেল ডেস্ক, ৬ ডিচেম্বৰ: "এতিয়া দেশৰ সংবিধান সংকটত পৰিছে । ৰাজনৈতিক দলসমূহে কেৱল নিজৰ ৰাজনৈতিক স্বাৰ্থ পূৰণৰ বাবে ড০ ভীমৰাও আম্বেদকাৰৰ প্ৰতি মিছা সন্মান প্ৰদৰ্শন কৰিছে" । সোমবাৰে ৬৬ সংখ্যক মৃত্যু বাৰ্ষিকীত ড০ ভীমৰাও আম্বেদকাৰলৈ শ্ৰদ্ধাঞ্জলি জ্ঞাপন কৰি এই মন্তব্য কৰে বহুজন সমাজ পাৰ্টীৰ অধ্যক্ষা মায়াৱতীয়ে(Mayawati pays tribute to Dr. Bhimrao Ambedkar) । তেওঁ অভিযোগ তোলে যে, চৰকাৰে দলিতসকলক তেওঁলোকৰ অধিকাৰ লাভৰ পৰা বঞ্চিত কৰি আহিছে(Mayawati allegation against BJP, Samajwadi Party) ।
ৰাজনৈতিক দলসমূহে ড০ ভীমৰাও আম্বেদকাৰৰ অৱদানকো উপেক্ষা কৰিছে বুলি তেওঁ অভিযোগ তোলে । উত্তৰ প্ৰদেশৰ দলিত লোকসকলৰ প্ৰসংগ উত্থাপন কৰি তেওঁ কয় যে, দলিতসকলে উত্তৰ প্ৰদেশত বহু অত্যাচাৰৰ সন্মুখীন হৈছে । আনহাতে, সমাজবাদী পাৰ্টীক সমালোচনা কৰি তেওঁ কয় যে, এতিয়ালৈকে নিৰ্বাচন অনুষ্ঠিত হোৱাৰ কোনো বিশেষ নিৰ্দেশনাই জাৰি কৰা হোৱা নাই, কিন্তু দলটোৱে বিজয় সমদল উলিয়াই আছে । তেওঁ লগতে অভিযোগ তোলে যে, সমাজবাদী পাৰ্টীৰ কৰ্মীসকলে পুনৰ গুণ্ডামি আৰম্ভ কৰিছে ।