নিউজ ডেস্ক, ৩ ফেব্ৰুৱাৰী : আমেৰিকান গৱেষণা প্ৰতিষ্ঠান হিণ্ডেনবাৰ্গৰ প্ৰতিবেদন প্ৰকাশৰ পিছতে আদানি গ্ৰুপ কোম্পানীৰ শ্বেয়াৰত ছুনামিৰ সৃষ্টি হৈছে (Hindenbarg report on Adani Group) । যিয়ে বিশ্বৰ শীৰ্ষ ধনকুবেৰ গৌতম আদানিৰ সাম্ৰাজ্যত প্ৰবল জোকাৰণই তুলিছে । প্ৰতিবেদন প্ৰকাশৰ পিছত পাৰ হৈ যোৱা প্ৰতিটো দিনতে তেওঁৰ সৰ্বমুঠ সম্পত্তিৰ মূল্যত ডাঙৰ পতন আনিছে । ইয়াৰ ফলস্বৰূপে গৌতম আদানিক বৰ্তমান বিশ্বৰ 20 জন ধনী ব্যক্তিৰ তালিকাৰ পৰা বাদ দিয়া হৈছে (Adani Groups share down falls) ।
আদানিয়ে ১০ দিনত হেৰুৱালে ৫২ আৰব ডলাৰ
ব্লুমবাৰ্গ বিলিয়নেয়াৰ ইণ্ডেক্স অনুসৰি (Bloomberg Billionaires Index), বৰ্তমান তেওঁৰ মুঠ সম্পত্তি হ্ৰাস হোৱাৰ বাবে গৌতম আদানি বিলিয়নিয়াৰৰ তালিকাত 21 নম্বৰ স্থানলৈ অৱনমিত হৈছে । তেওঁৰ মুঠ সম্পত্তি ৬১.৩ বিলিয়ন ডলাৰলৈ হ্ৰাস পাইছে । বিগত 24 ঘণ্টাত তেওঁ 10.7 বিলিয়ন ডলাৰ হেৰুৱাইছে । একে সময়তে ফ'ৰ্বছ ৰিয়েল টাইম বিলিয়নিয়াৰ তালিকা অনুসৰি (Forbes Real Time Billionaire List), তেওঁ 55.8 বিলিয়ন ডলাৰৰ মুঠ সম্পত্তিৰে তালিকাত 22 নম্বৰ স্থানলৈ স্থানচ্যুত হৈছে ।
উল্লেখ্য, বৃহস্পতিবাৰে মুঠ ৬৪.৭ বিলিয়ন ডলাৰ মূল্যৰ সম্পত্তিৰে বিশ্বৰ আটাইতকৈ ধনী ব্যক্তিসকলৰ তালিকাত গৌতম আদানি ১৬ নম্বৰ স্থানত আছিল । কিন্তু মাত্ৰ 24 ঘণ্টাৰ ব্যৱধানতে তেওঁ 5 টা স্থান পিছুৱাই গৈ 21 নম্বৰত উপনীত হয় (Gautam Adani out of top 20 billionaire list) । লোকচানৰ বিষয়টোৰ ক্ষেত্ৰত ব্লুমবাৰ্গৰ তথ্য অনুসৰি, এই বছৰৰ আৰম্ভণিৰে পৰা তেওঁৰ সম্পত্তিৰ মূল্য 59.2 বিলিয়ন ডলাৰ ক্ষতিগ্ৰস্ত হৈছে । বিগত 10 দিনত তেওঁ 52 বিলিয়ন ডলাৰৰ সম্পত্তি হেৰুৱাইছে (Adani Group Share Crisis) ।