নেচনেল ডেস্ক,৩ ফেব্ৰুৱাৰী: বিশেষ সূত্ৰৰ পৰা লাভ কৰা তথ্যৰ আধাৰত বুধবাৰে এক অভিযান চলাই আৰক্ষীয়ে ত্ৰিপুৰাত গাঞ্জা তৈয়াৰ কৰা সা-সৰঞ্জামৰ সৈতে দুজন লোকক আটক কৰিবলৈ সক্ষম হৈছে । জানিব পৰা মতে কোনো এক সূত্ৰৰ আধাৰত ত্ৰিপুৰা আৰক্ষীয়ে বিশালগড় মহকুমাৰ চেলিখালা অঞ্চলত এক অভিযান চলাই গাঞ্জা তৈয়াৰ কৰা সা-সৰঞ্জামৰ সৈতে অভিযুক্ত লোক দুজনক আটক কৰে ।
আৰক্ষীয়ে জানিবলৈ দিয়া মতে উক্ত অঞ্চলটোত গাঞ্জা তৈয়াৰ কৰি ডেলিভাৰীৰ বাবে সাজু কৰি থকা বুলি তথ্য লাভ কৰাৰ পাছতে আৰক্ষীয়ে পৰিকল্পনা অনুযায়ী অভিযানত নামি পৰে কেঁচা আৰু তৈয়াৰী মিলাই মিলাই প্ৰায় ২০০ কিলোগ্ৰাম গাঞ্জা জব্দ কৰিবলৈ সক্ষম হয় । অভিযুক্ত ব্যক্তি দুগৰাকী মানিক ৰুদ্ৰ পল আৰু বিশ্বজিত ৰুদ্ৰ পল বুলি চিনাক্ত কৰা হৈছে ।