নেশ্যনেল ডেস্ক, ২ মাৰ্চ: ইন্ধনৰ আকাশলংঘী মূল্যবৃদ্ধিয়ে জুৰুলা কৰিছে দেশবাসীক । ইন্ধনৰ বৰ্দ্ধিত মূল্যৰ বাবে ইন্ধন চালিত বাহন চলাবলৈও চিন্তা কৰিবলগীয়া হৈছে সাধাৰণ লোকে । সেয়ে, বাহন এৰি ঘোঁৰাত উঠি কাৰ্যালয়লৈ যাবলৈ ঠিৰাং কৰিছে উত্তৰ প্ৰদেশৰ বাৰাণসীৰ এগৰাকী অধিবক্তাই । বাৰাণসীৰ ড০ হৰিশ চন্দ্ৰ মৌৰ্য নামৰ এই অধিবক্তাগৰাকীয়ে শেহতীয়াকৈ ঘোঁৰা চলোৱাৰ প্ৰশিক্ষণ গ্ৰহণৰ বাবে ঘোঁৰা চালনাৰ প্ৰশিক্ষণ দিয়া আৰক্ষীক আবেদন জনাইছে ।
তেওঁ কয় যে, কাৰ্যালয়লৈ অহা-যোৱা কৰিবলৈ তেওঁ এটা ঘোঁৰা ক্ৰয় কৰিব । সেয়ে, জ্যেষ্ঠ আৰক্ষী অধীক্ষকৰ কাৰ্যালয়ত তেওঁ আবেদন দাখিল কৰিছে । আৰক্ষী অধীক্ষকৰ কাৰ্যালয়ে এই সন্দৰ্ভত কি প্ৰতিক্ৰিয়া প্ৰকাশ কৰে তাৰ বাবে তেওঁ এতিয়া অপেক্ষা কৰি আছে ।