নিউজ ডেস্ক, ৬ ছেপ্টেম্বৰ : বন্ধুত্বৰ দ্বাৰা যিকোনো সমস্যা সমাধান কৰিব পাৰি । নিজৰ চাৰিদিনীয়া ভাৰত ভ্ৰমণ আৰম্ভণিৰ সময়ত বাংলাদেশৰ প্ৰধানমন্ত্ৰী শ্বেখ হাছিনাই মঙলবাৰে এনেদৰে কয় । উল্লেখ্য, আজি প্ৰধানমন্ত্ৰী নৰেন্দ্ৰ মোডীয়ে ৰাষ্ট্ৰপতি ভৱনৰ ফ'ৰক'ৰ্টত হাছিনাক আদৰণি জনায় (Modi welcomed Hasina at Rashtrapati Bhawan) । তাত তেওঁক তিনিওটা বাহিনীৰ দ্বাৰা গাৰ্ড অব অনাৰ প্ৰদান কৰা হয় (Hasina accorded guard of honour) ।
ৰাষ্ট্ৰপতি ভৱনত সাংবাদিকৰ সৈতে হোৱা বাৰ্তালাপত হাছিনাই কয় যে মোডীৰ সৈতে তেওঁৰ আলোচনাত তেওঁলোকৰ নিজ নিজ দেশৰ জনসাধাৰণৰ অৱস্থা উন্নত কৰা, দৰিদ্ৰতা দূৰীকৰণ আৰু অৰ্থনৈতিক বিকাশৰ ওপৰত গুৰুত্ব দিয়া হ'ব ।
"আমাৰ মূল লক্ষ্য হৈছে অৰ্থনীতিৰ বিকাশ আৰু আমাৰ জনসাধাৰণৰ মৌলিক প্ৰয়োজনীয়তা পূৰণ কৰা । বন্ধুত্বৰ দ্বাৰা আপুনি যিকোনো সমস্যা সমাধান কৰিব পাৰে । গতিকে আমি সদায় সেয়ে কৰোঁ ।" হাছিনাই কয় । উল্লেখ্য, হাছিনাই ৰাজঘাটলৈ গৈ মহাত্মা গান্ধীৰ স্মৃতিসৌধতো পুষ্পাঞ্জলি অৰ্পণ কৰে (Hasina tributes to Mahatma Gandhi at Rajghat) ।
উল্লেখ্য, চাৰিদিনীয়া ভ্ৰমণসূচীৰে বাংলাদেশৰ প্ৰধানমন্ত্ৰী শ্বেখ হাছিনা সোমবাৰে আবেলি দিল্লীত উপস্থিত হয় (Hasina arrived New Delhi) । মঙলবাৰে দিনটোৰ শেষৰ ফালে মোডীৰ সৈতে দ্বিপাক্ষিক আলোচনাত বহাৰ কথা আছে (Sheikh Hasina bilateral talks with Modi) । আনহাতে, বৈদেশিক পৰিক্ৰমা মন্ত্ৰী এছ জয়শংকৰে সোমবাৰে সন্ধিয়া হাছিনাক সাক্ষাৎ কৰে (Hasina met External Affairs Minister S Jaishankar) । আদানি গ্ৰুপৰ অধ্যক্ষ গৌতম আদানিয়েও সোমবাৰে সন্ধিয়া বাংলাদেশৰ প্ৰধানমন্ত্ৰীগৰাকীক সাক্ষাৎ কৰে ।
উক্ত ভ্ৰমণসূচীৰ সময়ছোৱাত হাছিনাই ৰাষ্ট্ৰপতি দ্ৰৌপদী মূৰ্মু (Hasina call on President Droupadi Murmu) আৰু উপ-ৰাষ্ট্ৰপতি জগদীপ ধনখৰকো সাক্ষাৎ কৰিব । হাছিনাই ইতিমধ্যে সোমবাৰে ৰাষ্ট্ৰীয় ৰাজধানীৰ নিজামুদ্দিন আউলিয়া দৰগাহ পৰিদৰ্শন কৰে (Hasina visited Nizamuddin Aulia Dargah) আৰু বৃহস্পতিবাৰে আজমীৰ শ্বৰীফ ভ্ৰমণ কৰাৰ কথা আছে ।
প্ৰণিধানযোগ্য যে বাংলাদেশ বৰ্তমান দক্ষিণ এছিয়াত ভাৰতৰ আটাইতকৈ ডাঙৰ বাণিজ্য অংশীদাৰ আৰু বিগত পাঁচ বছৰত দ্বিপাক্ষিক বাণিজ্য ৯ বিলিয়ন আমেৰিকান ডলাৰৰ পৰা ১৮ বিলিয়ন আমেৰিকান ডলাৰলৈ বৃদ্ধি পাইছে । দেশখন ভাৰতৰ বাবে চতুৰ্থ সৰ্ববৃহৎ ৰপ্তানি স্থান হৈ পৰিছে । ২০২০-২১ বৰ্ষৰ ৰপ্তানি ৯.৬৯ বিলিয়ন আমেৰিকান ডলাৰৰ পৰা ২০২১-২২ বৰ্ষত ১৬.১৫ বিলিয়ন আমেৰিকান ডলাৰলৈ ৬৬ শতাংশতকৈ অধিক বৃদ্ধি পাইছে ।
লগতে পঢ়ক :ৰাষ্ট্ৰপতি ভৱনত শ্বেখ হাছিনাক উষ্ম আদৰণি প্ৰধানমন্ত্ৰী নৰেন্দ্ৰ মোডীৰ
