আগৰতলা, ১৫ জানুৱাৰী:ত্ৰিপুৰা বিধাসভাৰ বিৰোধী দল চিপিআইএমৰ নেতা প্ৰাক্তন মুখ্যমন্ত্ৰী মানিক সৰকাৰে (Former Tripura CM Manik Sarkar) আজি বৰ্তমানৰ মুখ্যমন্ত্ৰী বিপ্লব কুমাৰ দেৱলৈ এখন পত্ৰ লিখি (Manik Sarkar wrote letter to CM Biplab Deb) মানৱীয়তাৰ খাতিৰত আৰু আইনী দৃষ্টিকোণৰ পৰা হকাৰ আৰু ক্ষুদ্ৰ ব্যৱসায়ীসকলৰ সমস্যা সমাধান কৰাৰ বাবে আহ্বান জনায় । আগৰতলা পৌৰ নিগমৰ নৱ নিৰ্বাচিত কমিটীখনে (Agartala Municipal Corporation ) অবৈধভাৱে দোকান খুলি ৰখা দোকানী আৰু হকাৰসকলৰ বিৰুদ্ধে আগৰতলা চহৰজুৰি উচ্ছেদ অভিযান আৰম্ভ কৰাৰ পিছত প্ৰাক্তন মুখ্যমন্ত্ৰী চৰকাৰে এই পত্ৰখন প্ৰেৰণ কৰে ।
তেওঁ কয়, '' বহুতে অস্থায়ীভাৱে অতি ক্ষুদ্ৰ ব্যৱসায়ৰ আশ্ৰয় লৈছে, কিয়নো তেওঁলোকে জীৱিকা অৰ্জনৰ বিকল্প আৰু সুযোগ চৰকাৰৰ পৰা পোৱা নাই । কিন্তু দোকানবোৰ ভাঙি পেলোৱা আৰু তেওঁলোকৰ পৰিয়ালবোৰৰ বাবে সাৱধানতামূলক ব্যৱস্থা নোলোৱাকৈ তেওঁলোকক ৰাজপথলৈ লৈ যোৱাৰ কোনো যুক্তি-যুক্ততা নাই "।