তীব্ৰ গৰমত কেৱল স্বাস্থ্যই নহয় চকুৰ যত্ন লোৱাৰ প্ৰয়োজন । এই সময়ছোৱাত ক্ষতিকাৰক UV ৰশ্মিৰ পৰা ছালখনক ৰক্ষা কৰাটো যিদৰে প্ৰয়োজন তেনেদৰে ৰ’দ আৰু তাপৰ পৰা চকুৰ যত্ন লোৱাটোও প্ৰয়োজন ৷ যদি এনে কৰা নহয় তেন্তে আপুনি চকুৰ সৈতে জড়িত বহু সমস্যাৰ সন্মুখীন হ’বলগীয়া হ’ব পাৰে । এই বতৰত চকুক সুৰক্ষিত ৰাখিবলৈ বহুতো পদ্ধতি চেষ্টা কৰিব পাৰে ।
এই পদ্ধতিসমূহে আপোনাৰ চকুক সুস্থ কৰি ৰখাত সহায় কৰিব (Eye Care Tips)। চকুক সুৰক্ষিত ৰাখিবলৈ আপুনি কি কি পদ্ধতি চেষ্টা কৰিব পাৰে জানো আহক (Eyes caring tips)।
চকু দুটা হাইড্ৰেট কৰি ৰাখক
গ্ৰীষ্মকালত গৰম বতাহৰ বাবে চকুত জ্বলা-পোৰা হ’ব পাৰে । ইয়াৰ বাবে চকু শুকান হৈ পৰে । সেইবাবেই পৰ্যাপ্ত পৰিমাণৰ পানী খাব লাগে । ইয়াৰ দ্বাৰা চকু দুটা হাইড্ৰেটেড ৰখাতো সহায়ক হ’ব । মদ আৰু কেফেইন পৰিমিত পৰিমাণে সেৱন কৰক ।
ছানগ্লাছ
চকু সুৰক্ষিত কৰি ৰাখিবলৈ শ্বেড আপোনাৰ লগত ৰাখক। ইয়াৰ দ্বাৰা আপুনি আপোনাৰ চকুক ক্ষতিকাৰক UV ৰশ্মিৰ পৰা ৰক্ষা কৰিবলৈ সক্ষম হ’ব । অবিৰতভাৱে UV ৰশ্মিৰ সংস্পৰ্শলৈ আহিলে চকুৰ ছানি পৰাৰ দৰে চকুৰ সমস্যাৰ সৃষ্টি হ’ব পাৰে । সেইবাবেই চকুৰ সুৰক্ষাৰ বাবে ছানগ্লাছ লগত ৰাখক-
সাঁতোৰা
গৰমৰ দিনত মানুহে প্ৰায়ে সাঁতুৰিবলৈ যায় । সাধাৰণতে চুইমিং পুলৰ পানীক পৰিস্কাৰ কৰিবলৈ ক্ল’ৰিনৰ ব্যৱহাৰ হয় । পানীত সাঁতোৰাৰ সময়ত ই যদি চকুত প্ৰৱেশ কৰে, তেন্তে চকুৰ ক্ষতি হয় । ইয়াৰ বাবে চকুত ফুলা, জ্বলা-পোৰা আৰু খজুৱতিৰ সমস্যা হ’ব পাৰে । এই বস্তুটোৰ পৰা চকু ৰক্ষা কৰিবলৈ সদায় ছানগ্লাছ পৰিধান কৰিব লাগে । ইয়াৰ ফলত ক্ল’ৰিনৰ ফলত হোৱা ক্ষতিৰ পৰা চকু ৰক্ষা পৰে ।
আই ড্ৰ’প
চকুক হাইড্ৰেউট কৰি ৰাখিবলৈ আই ড্ৰ’প ব্যৱহাৰ কৰিব পাৰে । প্ৰদূষণৰ মাত্ৰা বৃদ্ধিৰ বাবে চকুত সমস্যাৰ সৃষ্টি হৈছে । ইয়াৰ লগতে প্ৰবল সূৰ্যৰ পোহৰেও চকুৰ ক্ষতি কৰে । চকুৰ বাবে আই ড্ৰ’প ব্যৱহাৰ কৰাৰ লগতে নিয়মিত পানীও নিশ্চয়কৈ খাব লাগে ।
চকু ঘঁহিব নালাগে
বহুতে জানি বা অজানিতে চকু ঘঁহি ঘঁহি থাকে। সেইবাবেই হাত পৰিষ্কাৰ কৰি ৰাখক । যদি আপুনি ইয়াৰ দ্বাৰা হাত পৰিষ্কাৰ কৰি ৰাখে, তেন্তে আপুনি চকুক সংক্ৰমণৰ পৰা ৰক্ষা কৰিবলৈ সক্ষম হ’ব । ইয়াৰ লগতে চকু দুটা বাৰে বাৰে ঘঁহি ঘঁহিব নালাগে ।
ভালকৈ টোপনি যাওক
ৰাতি ভালদৰে টোপনি লোৱাটো অতি প্ৰয়োজনীয় । ইয়াৰ ফলত চকু দুটাই যথেষ্ট জিৰণি লাভ কৰে । যদি আপুনি ভালদৰে টোপনি লয় তেন্তে এনে কৰিলে চকুজুৰিয়ে শান্তি পায় । ইয়াৰ ফলত চকুৰ অলসতা আৰু অৱসাদ দূৰ হয় ।
লগতে পঢ়ক:Jagannath Rath Yatra 2023: ভগৱান জগন্নাথ কেতিয়া যাব মাহীয়েকৰ ঘৰলৈ ? ২০২৩ বৰ্ষৰ ৰথ যাত্ৰাৰ দিন তথা তাৎপৰ্য জানি লওক
