নেশ্যনেল ডেস্ক, 12 এপ্ৰিল :সোমবাৰে নিশা অন্ধ্ৰপ্ৰদেশত সংঘটিত হয় এক দুৰ্ঘটনা ৷ ৰাজ্যখনৰ শ্ৰীকাকুলাম জিলাত এখন ৰে’লে মহতিয়াই নিয়ে কেইবাজনো লোকক ৷ ফলত থিতাতে মৃত্যু ঘটিছে পাঁচজনকৈ লোক(Five died in Srikakulam train accident) ৰ ৷ মৃত লোককেইজন গুৱাহাটী অভিমুখী এখন এক্সপ্ৰেছ ৰে’লৰ যাত্ৰী আছিল বুলি জানিব পৰা গৈছে ৷
ঘটনাৰ বিৱৰণী অনুসৰি, লোক কেইজনে যাত্ৰা কৰা গুৱাহাটী অভিমুখী ৰে’লখনৰ সোমবাৰে নিশাৰ ভাগত বাথুৱা নামৰ এখন ঠাইত কাৰিকৰী বিজুতি ঘটে ৷ তাৰপিছত তেওঁলোকে নামি আহে ৰে’লপথৰ মাজলৈকে ৷ তেনে সময়তে বিপৰীত দিশৰ পৰা তীব্ৰবেগত অহা কোণাৰ্ক এক্সপ্ৰেছ নামৰ ৰে’লখনে মহতিয়াই নিয়ে পাঁচজনকৈ লোকক(Five knocked down by train in freak mishap) ৷
ঘটনা সন্দৰ্ভত শ্ৰীকাকুলামৰ জিলা আৰক্ষী অধীক্ষকে সদৰি কৰা অনুসৰি, গুৱাহাটী অভিমুখী এক্সপ্ৰেছ ৰে’লখনৰ কোনো যাত্ৰীয়ে চেইন টনাৰ ফলত আদবাটতে ৰে’লখন ৰৈ যায় ৷ তেতিয়াই কেইবাজনো ব্যক্তিয়ে ৰে’লখনৰ পৰা নামি ৰে’লপথটো পাৰ হ’বলৈ ধৰোতে মহতিয়াই নিয়ে বিপৰীত দিশৰ পৰা অহা কোণাৰ্ক এক্সপ্ৰেছে ৷ ফলত থিতাতে মৃত্যুবৰণ কৰে পাঁচগৰাকীকৈ লোকে ৷ ইতিমধ্যে ঘটনাস্থলীত আৰক্ষী উপস্থিত হৈ মৃতদেহকেইটা উদ্ধাৰ কৰি মৰণোত্তৰ পৰীক্ষাৰ বাবে চিকিৎসালয়লৈ প্ৰেৰণ কৰে ৷