কৰ্ণাটকত শোকাৱহ দুৰ্ঘটনাত নিহত 5 গৰাকী লোক

কৰ্ণাটকৰ চিত্ৰদূৰ্গ জিলাৰ বিজি কেৰে গাৱৰ সমীপত সংঘটিত শোকাৱহ পথ দুৰ্ঘটনা নিহত হয় ৫ গৰাকী । দুৰ্ঘটনাত আহত ৭ গৰাকীক ততালিকে স্থানীয় হাস্পতাললৈ প্ৰেৰণ কৰা হয় ।

নেশ্য়নেল ডেস্ক , ২৭ ডিচেম্বৰ : কৰ্ণাটকৰ চিত্ৰদুৰ্গ জিলাৰ বিজি কেৰে গাঁৱৰ সমীপত দেওবাৰে সংঘটিত হয় এক শোকাৱহ পথ দুৰ্ঘটনা । অঞ্চলটোৰ মোলোকলমুৰু তালুকত এখন চাৰিচকীয়া বাহন আৰু যাত্ৰীবাহী বাছৰ মুখামুখি সংঘৰ্ষৰ ফলত ৫ গৰাকী লোকৰ মৃত্য়ু হয় আৰু আন ৭ গৰাকী আঘাটপ্ৰাপ্ত হয় । উল্লেখ যে বাছ খন বেংগালুৰুৰ পাৰ লিংগসুগৰলৈ গৈ থকা অৱস্থাতে সংঘটিত হয় এই দুৰ্ঘটনা ।

দুৰ্ঘটনাটোত থিতাতে মৃত্য়ু হোৱা লোকসকলো ইতিমধ্য়ে চিনাক্ত হৈছে । মৃত লোকসকলৰ ভিতৰত আছে ৪০ বছৰীয়া তিম্মন ,৩৮ বছৰীয়া ৰট্টনাম্মা , ১৯ বছৰীয়া মহেশ, ১৬ বছৰীয়া দুৰ্গাপ্পা । ৫৫ বছৰীয়া এগৰাকী বৃদ্ধৰো মৃত্য়ু হয় এই দুৰ্ঘটনাত । ঘটনাৰ পিছতে আহত সকলক ততালিকে স্থানীয় এখন হাস্পতাললৈ প্ৰেৰণ কৰা হয় । পৰৱৰ্তী সময়ত ঘটনাস্থলীত আৰক্ষী উপস্থিত হয় আৰু ঘটনা সন্দৰ্ভত এক গোচৰ ৰুজু কৰে ।

লগতে পঢ়ক :তামিলনাডুত 2000 বছৰ পুৰণি শিলালিপি উদ্ধাৰ