এফডিএ পৰীক্ষাৰ প্ৰশ্নকাকত কেলেংকাৰীঃ কৰ্ণাটকৰ আৰক্ষী কনিষ্ঠবলক গ্ৰেপ্তাৰ

কেন্দ্ৰীয় অপৰাধ শাখাৰ আৰক্ষীয়ে গ্ৰেপ্তাৰ কৰিলে কৰ্ণাটকৰ আৰক্ষী কনিষ্ঠবল মুস্তাক কোৱাটি নায়কক । এফডিএ পৰীক্ষাৰ প্ৰশ্নকাকত ফাদিল কৰাৰ কেলেংকাৰীৰে জড়িত থকাৰ অভিযোগত নায়কক গ্ৰেপ্তাৰ কৰে আৰক্ষীয়ে । আন এগৰাকী অভিযুক্তৰ পৰা নায়কে হোৱাটছএপযোগে প্ৰশ্নকাকত লাভ কৰিছিল বুলি প্ৰকাশ কৰিছে আৰক্ষীয়ে ।

নেশ্যনেল ডেস্ক, ২৭ জানুৱাৰী: এফডিএ পৰীক্ষাৰ প্ৰশ্নকাকত ফাদিল কৰাৰ কেলেংকাৰীৰে জড়িত থকাৰ অভিযোগত কেন্দ্ৰীয় অপৰাধ শাখাৰ আৰক্ষীয়ে গ্ৰেপ্তাৰ কৰিলে কৰ্ণাটকৰ আৰক্ষী কনিষ্ঠবল মুস্তাক কোৱাটি নায়কক । অসামৰিক অধিকাৰ প্ৰৱৰ্তন সঞ্চালকালয়ৰ বাংগালুৰু শাখাত নায়ক কৰ্মৰত হৈ আছিল । ফাৰ্ষ্ট ডিভিজন এছিছটেণ্টছ পৰীক্ষাৰ প্ৰশ্নকাকত ফাদিল কৰাৰ কেলেংকাৰীৰ অভিযুক্ত ছানা বেদীৰ পৰা হোৱাটছএপযোগে নায়কে প্ৰশ্নকাকত লাভ কৰিছিল ।

ছানা বেদী কৰ্ণাটক লোক সেৱা আয়োগৰ নিয়ন্ত্ৰণ শাখাত ষ্টেন'গ্ৰাফাৰ হিচাপে কৰ্মৰত হৈ আছিল । দুয়োজনে হোৱাটছযোগে এই বিষয়ে আলোচনা কৰিছিল আৰু কেলেংকাৰীৰ কথা পোহৰলৈ অহাৰ পিছতে নায়কে হাৱেৰীৰ পৰা পলায়ন কৰে । নায়কে হাৱেৰী জিলাৰ আগাড়ী গাঁৱত কাম কৰি আছিল আৰু কেন্দ্ৰীয় অপৰাধ শাখা জেৰা চলাইছিল । এই ঘটনাৰে জড়িত থকাৰ অভিযোগত কেন্দ্ৰীয় অপৰাধ শাখাই পূৰ্বে ১৪ জন লোকক আটক কৰিছিল । ইয়াৰে এজনে নিজকে বাণিজ্যিক কৰ পৰিদৰ্শক হিচাপে চিনাকী দিছিল ।

এই লোকজনৰ পৰা আৰক্ষীয়ে ৩৫ লাখ নগদ ধন, বৈদ্যুতিক যন্ত্ৰ-পাতি আৰু তিনিখন বাহন জব্দ কৰে । আৰক্ষীয়ে অভিযুক্ত ৰাছাপ্পা আৰু চন্দ্ৰাপ্পা আৰু তেওঁলোকৰ সহযোগী মহেশ, সন্তোষ, শ্ৰীনিবাস আৰু নিকিতক চিনাক্ত কৰিছে । আনহাতে, এই ঘটনাৰে কৰ্ণাটক লোক সেৱা আয়োগৰ কোনো বিষয়া জড়িত থকাতো প্ৰমাণিত হ'লে উচিত ব্যৱস্থা গ্ৰহণ কৰা হ'ব বুলি সকিয়াই দিছে মুখ্যমন্ত্ৰী য়েদিয়ুৰাপ্পাই । যোৱা ২৩ জানুৱাৰীত কেন্দ্ৰীয় অপৰাধ শাখাৰ অভিযানত অভিযুক্তৰ পৰা ২৪ লাখ নগদ ধন, ৩ খন বাহন আৰু দুখন প্ৰশ্ন কাকত জব্দ কৰে ।

লগতে পঢ়ক:মহাকাশ গৱেষণা প্ৰতিষ্ঠানৰ বাবে ভূমি আৱন্টন চৰকাৰৰ