নেশ্যনেল ডেস্ক, 5 নবেম্বৰ : পুনৰ আৰম্ভ হোৱাৰ দিশে কৃষক বিদ্ৰোহ ৷ সমগ্ৰ দেশৰ কৃষকে শেহতীয়াকৈ বলৱৎ হোৱা কৃষি আইনৰ বিৰোধিতাৰে দ্বিতীয় লানি আন্দোলন কৰাৰ বাবে যো-জা চলাইছে ৷ এই আইন আৰু নতুন শক্তি বিধেয়ক 2020 বাতিলৰ দাবীত বৃহস্পতিবাৰে 4 ঘন্টীয়া ‘ৰাস্তা ৰোকো প্ৰতিবাদ’ আৰু 26-27 নবেম্বৰত ‘দিল্লী চলো’ কাৰ্যসূচী হাতত লৈছে কৃষক সকলে ৷ এই প্ৰতিবাদৰ নেতৃত্ব দিছে এআইকেএছচিচি আৰু পঞ্জাৱ-হাৰিয়ানাৰ বহুকেইটা কৃষক সংগঠনে ৷
এআইকেএছচিচিৰ কৰ্মীদলে এই প্ৰতিবাদী কাৰ্যসূচী লৈ কৃষক সংগঠনে জনোৱা সমৰ্থনৰ বাবে সকলোকে স্বাগতম জনাইছে ৷ বৃহস্পতিবাৰৰ ৰাস্তা ৰোকো কাৰ্যসূচী পালন কৰা হ’ব দুপৰীয়া 12 বজাৰ পৰা বিয়লি 4 বজালৈ ৷ আনহাতে পদব্ৰজে আৰু টেক্টৰৰ সহায়ত 26 নবেম্বৰত ৰামলীলা মৈদানত ৰূপায়ন কৰা হ’ব দিল্লী চলো কাৰ্যসূচী ৷