নেশ্যনেল ডেস্ক, ৩১ ডিচেম্বৰ: কেৰালাৰ পেৰুম্বভোৰত একেটা পৰিয়ালৰে ৪ জন সদস্যৰ মৃতদেহ উদ্ধাৰ কৰিছে আৰক্ষীয়ে । এনাৰকুলাম জিলাৰ পেৰুম্বভোৰৰ চেলামট্টমত এটা বাসগৃহৰ ভিতৰত এটি কিশোৰসহ ৪ জন লোকৰ মৃতদেহ উদ্ধাৰ হয় । পৰিয়ালটোৰ মুৰব্বী বিজু, তেওঁৰ পত্নী অম্বিলি আৰু তেওঁলোকৰ দুই সন্তানক মৃত অৱস্থাত আৰক্ষীয়ে উদ্ধাৰ কৰে ।
বাসগৃহৰ মুখ্য কোঠাত সন্তান দুটিৰ মৃতেদহ উদ্ধাৰ হোৱাৰ লগতে শুৱনি কোঠাত বিজু আৰু তেওঁৰ পত্নী অম্বিলিৰ মৃতেদহ উদ্ধাৰ হয় । প্ৰাথমিক তদন্তৰ অন্তত আৰক্ষীয়ে আটাইকেইজনে আত্মহত্যা কৰা বুলি সন্দেহ প্ৰকাশ কৰিছে । বাসগৃহৰ ভিতৰতে এখন ছুইচাইড নোট লাভ কৰিছে আৰক্ষীয়ে । আটাইকেইজনৰে আত্মাই শান্তি সদগতি লাভ নকৰা পৰ্যন্ত পৰিয়ালৰ লোকক বাসগৃহটোত প্ৰৱেশ নকৰিবলৈ দেৱালত লিখি থোৱা আছিল ।