নিউড ডেস্ক, 16 জুন :প্ৰেমিকৰ সৈতে কোটিপতি হোৱাৰ আশাত অভিযন্তাৰ চাকৰি এৰি ৰঙা ঘৰৰ আলহী হ'ল অন্ধপ্ৰদেশৰ এগৰাকী 25 বছৰীয়া যুৱতী ৷ ড্ৰাগছ সৰবৰাহৰ অপৰাধত কাৰ্ণাটক আৰক্ষীয়ে বুধবাৰে আটক কৰে ৰেণুকা নামৰ এই গৰাকীৰ যুৱতীক ৷ যিগৰাকী যুৱতীয়ে অভিযন্তাৰ চাকৰি এৰি সহজতে ধন ঘটাৰ উদ্দেশ্যে প্ৰেমিকৰ সৈতে ড্ৰাগছ ব্যৱসায়ত নামি পৰিছিল ৷ এই যুৱতী গৰাকীৰ লগতে আৰক্ষীয়ে আটক কৰিছে সুদাংশু নামৰ আন এগৰাকী সহযোগীক ৷ ৰেণুকাৰ প্ৰেমিকৰ নাম সিদ্ধাৰ্থ ৷
আৰক্ষী সূত্ৰই সদৰি কৰা মতে ৰেণুকাৰ ঘৰ অন্ধপ্ৰদেশৰ শ্ৰীকাকোলামত আৰু যুৱতীৰ গৰাকীৰ প্ৰেমিক সিদ্ধাৰ্থৰ ঘৰ অন্ধপ্ৰদেশৰ কাডাপাত ৷ প্ৰথমে দুয়োগৰৰাকী চেন্নাই এখন ব্যক্তিগত শিক্ষা প্ৰতিষ্ঠানৰ সহপাঠী আছিল ৷ সেই সময়তে দুয়োৰে মাজত প্ৰেম হৈছিল ৷ সময়ৰ গতিত সিদ্ধাৰ্থ এগৰাকী ড্ৰাগছ ব্যৱসায়ী হৈ পৰে ৷ ইফালে ৰেণুকাই এটা ব্যক্তিগত কোম্পানীত যোগদান কৰে ৷ ৰেণুকাই সেই কোম্পানীত যোগদান কৰিছিল যদিও তেওঁৰ দৰমহা বহু কম আছিল ৷ ৰেণুকাই বাৰুকৈয়ে অনুভৱ কৰিছিল যে কোম্পানীটোৰ সেই দৰমহাৰে নিজৰ পৰিয়ালক সহায় কৰিবলৈও অক্ষম ৷
প্ৰেমিকৰ কথা মতে ড্ৰাগছ ব্যৱসায়ত নামিল প্ৰেমিকা ৰেণুকাৰ সেই কথা গম পাইছিল প্ৰেমিক সিদ্ধাৰ্থই ৷ যাৰ সুযোগ গ্ৰহণ কৰি প্ৰেমিকা ৰেণুকাক টকা উপাৰ্জনৰ বাবে প্ৰথমে গাঞ্জা ব্যৱসায়ত জড়িত কৰিবলৈ সৈমান কৰাইছিল সিদ্ধাৰ্থই ৷ ইয়াৰ পাচত সেই ব্যৱসায় ড্ৰাগছলৈ পৰিৱৰ্তিত হৈছিল ৷ এটা সময়ত প্ৰেমিক সিদ্ধাৰ্থই তেওঁ সহযোগী সুদাংশু সৈতে চিনাকী কৰাই দিছিল ৰেণুকাক ৷ সুদাংশু আছিল বাংগালুৰৰ এখন পৰিচিত মহাবিদ্যালয়ৰ মেনেজমেণ্ট পাঠ্যক্ৰমত অধ্যয়নৰত ছাত্ৰ ৷ সময় বাগৰিল , ৰেণুকা, সিদ্ধাৰ্থ আৰু সুদাংশু ড্ৰাগছৰ ব্যৱসায়খনো চলি থাকিল ৷ ৰেণুকাই ব্যৱসায়ৰ সুবিধাৰ্থে যোৱা এপ্ৰিলত মাৰাঠাহাল্লিত এখন হোটেলৰ কোঠা বুক কৰিছিল ৷ সেই কোঠাতে প্ৰেমিক সিদ্ধাৰ্থ আৰু সহযোগী সুদাংশুৱে ৰেণুকাক বৃহৎ পৰিমাণৰ গাঞ্জা প্ৰদান কৰিছিল ৷ এই দুয়োৱে গাঞ্জা ক্ৰয় কৰিছিল ওড়িশাৰ লগতে বিশাখাপট্টনমৰ পৰা ৷ এই তথ্য লাভ কৰিছিল কাৰ্ণটক আৰক্ষীয়ে ৷
গোপন সূত্ৰই দিয়া এই তথ্যৰ ভিত্তিতে কৰ্ণাটক আৰক্ষীৰ বিষয়া অনিল কুমাৰৰ নেতৃত্বত এক অভিযান চলোৱা হয় ৷ উক্ত অভিযানতে ৰেণুকা আৰু সহযোগী সুদাংশুক আটক কৰে কৰ্ণাটক আৰক্ষীয়ে ৷ লগতে তেওঁলোকৰ পৰা এটা ডাঙৰ বেগ, 10 টা নিচা জাতীয় সামগ্ৰীৰ পেকেট, 2,500 গ্ৰাম গাঞ্জা আৰু নগদ 6,500 টকা জব্দ কৰে আৰক্ষীয়ে ৷ উল্লেখ্য যে, ৰেণুকাৰ প্ৰেমিক সিদ্ধাৰ্থৰ সন্ধানত আৰক্ষীয়ে বৰ্তমান অভিযান অব্যাহত ৰাখিছে ৷
লগতে পঢ়ক: ভাইৰেল হৈছে দেৱাংগনা কলিতাৰ শৈশৱৰ এখন ফটো
