নেশ্যনেল ডেস্ক, 24 আগষ্ট : জম্মু-কাশ্মীৰৰ বাৰামুলা জিলাৰ চোপোৰ অঞ্চলত মঙলবাৰে পুৱতি নিশাৰ পৰা সেনা আৰু সন্ত্ৰাসবাদীৰ মাজত অব্যাহত আছে সংঘাত ৷ এই সংঘাতৰ তথ্য সদৰি কৰিছে জম্মু-কাশ্মীৰ আৰক্ষীয়ে ৷ সোমবাৰে নিশাই ভাৰতীয় সেনাই পেঠশীৰ অঞ্চলত কোৰ্ডোন মুকলি কৰাৰ লগতে অনুসন্ধান অভিযান আৰম্ভ কৰিছিল ৷
গোপন সূত্ৰৰ পৰা লাভ কৰাৰ তথ্যৰ ভিত্তিতে এই অভিযান চলাইছিল সেনাই ৷ অভিযানৰ সময়তেই সন্ত্ৰাসবাদীৰ দলটোৱে সেনালৈ লক্ষ্য কৰি গুলিচালনা কৰে ৷ ইয়াৰ পিছতে অনুসন্ধান অভিযানটো এনকাউন্টাৰলৈ পৰিণত হয় ৷