নেশ্যনেল ডেস্ক, 8 ডিচেম্বৰ :জম্মু-কাশ্মীৰৰ শ্বপিয়ান জিলাৰ চেক-ই-চোলেণ্ড অঞ্চলত পুনৰ সন্ত্ৰাসবাদী আৰু নিৰাপত্তাৰক্ষীৰ মাজত সংঘটিত হৈছে সংঘৰ্ষ (Encounter in Shopian) ৷ মঙলবাৰে পুৱা এই তথ্য নিশ্চিত কৰে কাশ্মীৰ আৰক্ষীয়ে ৷
ঘটনা সন্দৰ্ভত এগৰাকী আৰক্ষী বিষয়াই জনোৱা অনুসৰি, নিৰাপত্তাৰক্ষীয়ে অঞ্চলটোত সন্ত্ৰাসবাদীৰ উপস্থিতিৰ তথ্য লাভ কৰে ৷ মূহুৰ্ততে নিৰাপত্তাৰক্ষীৰ এক বৃহৎ দলে অঞ্চলটো ঘেৰি ধৰি চলাই অভিযান ৷ ফলত দুয়োপক্ষৰ মাজত সংঘৰ্ষৰ সূত্ৰপাত ঘটে ৷ সন্ত্ৰাসবাদীসকলে নিৰাপত্তাৰক্ষী বাহিনীৰ দলটোক দেখা মাত্ৰকে গুলীচালনা কৰিবলৈ ধৰে ৷ প্ৰত্যুত্তৰত নিৰাপত্তাৰক্ষীসকলেও গুলীচালনা কৰে ৷