নিউজ ডেস্ক, 31 জুলাই : ভূমি কেলেংকাৰী গোচৰত জড়িত থকাৰ অভিযোগত শিৱসেনাৰ নেতা তথা সাংসদ সঞ্জয় ৰাউটক (Shiv Sena leader Sanjay Raut) দেওবাৰে প্ৰৱৰ্তন সঞ্চালকালয় চমুকৈ ইডিয়ে আটক কৰে । ইডিয়ে ৰাউটক প্ৰায় ন ঘণ্টা ধৰি জেৰা চলোৱাৰ পাছত তেওঁক জিম্মাত লয় । সাংসদগৰাকীৰ ঘৰৰ বাহিৰত কঠোৰ নিৰাপত্তা ব্যৱস্থা কৰা হৈছে । ৰাউটৰ সমৰ্থকসকলৰ শ্ল'গানৰ মাজতে ইডিৰ দলে তেওঁক লৈ যায় (ED detains Sanjay Raut after raiding his residence) । ইডিৰ কাৰ্যালয়ত উপস্থিত হোৱাৰ পিছত ৰাউটে কয়, "মই না হাৰিম বা না দল এৰি যাম’’ ।
শিৱসেনাৰ সাংসদ গৰাকীয়ে ইডিৰ কাৰ্যক ষড়যন্ত্ৰ বুলি উল্লেখ কৰে । তেওঁ কয়, "মোৰ বিৰুদ্ধে মিছা অভিযোগ অনা হৈছে ৷ মানুহক মাৰপিট কৰি মিছা প্ৰমাণ সৃষ্টি কৰা হৈছে । এয়া কেৱল মহাৰাষ্ট্ৰ আৰু শিৱসেনাক দুৰ্বল কৰাৰ বাবে, কিন্তু মহাৰাষ্ট্ৰ আৰু শিৱসেনা দুৰ্বল নহয় । সঞ্জয় ৰাউটে কেতিয়াও হাৰ নামানে আৰু দল এৰি নাযায়" বুলি তেওঁ উল্লেখ কৰে ।
উল্লেখ্য যে, 1,034 কোটি টকা ভূমি কেলেংকাৰী সম্পৰ্কীয় এটা মানি লণ্ডাৰিং গোচৰত সঞ্জয় ৰাউটৰ বিৰুদ্ধে তদন্ত চলি আছে(Patra Chawl land scam case) । এই গোচৰটোৰ তেওঁ মূল অভিযুক্ত । ইডিয়ে তেওঁলৈ কেইবাবাৰো চমন জাৰি কৰিছে যদিও শিৱসেনা নেতাগৰাকীয়ে বিভিন্ন উজুহাতত ইডিৰ সন্মুখত উপস্থিত হোৱাৰ পৰা বিৰত আছিল ৷